Ashish Jaiswal Accident: शिवसेना आमदार आशिष जयस्वाल यांच्या गाडीला भीषण अपघात, दोघांचा मृत्यू

Ashish Jaiswal Accident: रामटेक विधानसभेचे आमदार आशिष जयस्वाल यांच्या नावाने असलेली कार आणि समोरून येणाऱ्या वाहनाला धडकल्याने मोठा अपघात झाला. आमदार आशिष जयस्वाल यांचा एक पीए आणि कार्यकर्ते हे रामटेकवरून कन्हानला येत असताना हा अपघात झाल्याची माहिती समोर येत आहे.

नागपूरपासून सुमारे २१ किलोमीटर अंतरावर केरडी शिवारात हा अपघात झाला. या अपघातात दोन जणांचा मृत्यू झाल्याची माहिती समोर येत आहे. 

महाराष्ट्र काँग्रेसचे अध्यक्ष नाना पटोले यांच्या गाडीला भंडारा येथे पाठीमागून धडक दिल्यानंतर आज (बुधवार) आमदार आशिष जयस्वाल यांच्या ताफ्याला कन्हान परिसरात भीषण अपघात झाला.

पाटोले मंगळवारी रात्री भंडारा येथे झालेल्या अपघातातून बचावले, तर कन्हानजवळ झालेल्या अपघातात जयस्वाल यांच्या ताफ्यातील त्यांच्या पीएसह दोन जणांचा मृत्यू झाला.

नेमका अपघात कसा घडला?

आशिष जयस्वाल यांच्या भरधाव गाडीचा व समोरील पांढऱ्या रंगाच्या चारचाकी वाहने समोरासमोर ऐकमेकांना धडकली. अपघातात जखमी झालेल्यांवर एका खाजगी रुग्णालयात उपचार सुरू आहे. तसेच हा अपघात झाला तेव्हा आमदार आशिष जयस्वाल स्वतः कारमधून प्रवास करत नव्हते अशीही माहिती मिळत आहे.