नागपूर - जन्मापासून आंधळेपण नशीबी आलं. कसबस त्यातून सावरत दहावीपर्यंत मजल मारली. मात्र, अभ्यास होत नसल्याने ती नकारात्मकतेच्या गर्तेत गेली. आपल्याने ते होईल का? या विचाराने मनात आल आता शाळा सोडून द्यावी. त्यामुळे शाळेत जाणे बंद केले..मात्र, मुलगी शाळेत येत नसल्याने शिक्षकांनी पुढाकार घेतला. तिचे समुपदेशन करीत, शाळेत आणले. तिचा अभ्यासक्रम पूर्ण केला. त्याच मुलीने दहावीच्या परीक्षेचा निकालात ६८ टक्के मिळवित डोळस यश मिळविले..स्वाती गौर असे या मुलीचे नाव आहे. तिचे वडील मनोज गौर खासगी काम तर आई गृहीणी आहे. घरची परिस्थिती जेमतेम. जन्मापासून स्वातीला ४० टक्के अंधत्व तिच्या नशीबी आले. दहावीत असताना, तिला दहावीच्या अभ्यासाचा ताण मनावर घेत, नकारात्मकतेच्या गर्तेत गेली. यामुळे तिने शाळेत जाणेच सोडले..दरम्यान स्वाती शाळेत अनुपस्थित असल्याने शिक्षिका अंकीता मोहिते यांनी तिचे समुपदेशन करीत तिच्यातील कौशल्य आणि गुणवत्तेची जाणिव करून दिली. या समुपदेशनातून तिने पुन्हा शाळेत पाऊल ठेवले. कसून अभ्यास करून स्वातीने दहावीच्या परीक्षेत ६८ टक्के गुण मिळविले. तिच्या यशाने शिक्षिका अंकिता मोहितेच नव्हे तर पालक आणि संपूर्ण शिक्षकांनी कौतूक केले..परीक्षेच्या वेळी घेतला नाही रायटरस्वाती गौर हिला ४० टक्के अंधत्व आल्याने तिला परीक्षेसाठी रायटर सहजरित्या उपलब्ध करता येणे शक्य होते. मात्र, समुपदेशनानंतर तिने जिद्दीने परीक्षा रायटर शिवाय देण्याचा निर्णय घेतला. त्यातून स्वतःचे पेपर सोडवून तिने यश मिळविले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
