कॅज्युअल्टीत नाही धनुर्वात प्रतिबंधक लस, औषध तुटवड्याची वैद्यकीय अधीक्षक कार्यालयालाच नाही माहिती

नागपूर : शासकीय वैद्यकीय महाविद्यालय व रुग्णालयात (मेडिकल) अपघातामध्ये जखमी झालेल्या व्यक्तींना सर्जरी कॅज्युअल्टीमध्ये येताच काही वेळात धनुर्वात प्रतिबंधक लस टोचली जाते. विशेष की, औषधांचा तुटवडा असताना याची खबरबात वैद्यकीय अधीक्षक कार्यालयाला नसल्याची धक्कादायक माहिती पुढे आली आहे. 

हेही वाचा - ५२ शिक्षकांचे समायोजन, जिल्हा परिषदेच्या इतिहासात प्रथमच राबविली प्रक्रिया

मेडिकलमध्ये १०० पैकी ८५ टक्के औषधी असल्याचा दावा मेडिकल प्रशासनाकडून केला जातो. मात्र, प्रत्यक्षात मेडिकलच्या कॅज्युल्टी आणि बाह्यरुग्ण विभागात मोठ्या प्रमाणात औषधांचा तुटवडा आहे. साध्या पोटदुखीवर आवश्‍यक इंजेक्‍शन आणि औषधी मेडिसीन 'कॅज्युअल्टी'त उपलब्ध नाहीत. जीवनरक्षक असलेली डेक्‍सा, ऍट्रोफिल, डायक्‍नो, ऍसिडिटीवरील उपचारासाठी आवश्‍यक असलेली 'रॅनटॅक', उलटी थांबवण्यासाठी आवश्‍यक असलेली 'पॅरिनार्म', 'कॅल्शियम ग्लुकोनो'ची लस, कॅज्युअल्टीमध्ये उपलब्ध नसल्याने बीपीएलमध्ये मोडणाऱ्या रुग्णांच्या हाती प्रिस्क्रिप्शन दिले जाते. मेडिकलमध्ये औषधखरेदीचे धोरण राबवण्यासाठी 'फॉर्मक' विभाग आहे. मात्र, मेडिकलमध्ये उपचारासाठी येणारा गरीब वर्ग औषध मिळेल, मोफत उपचार होतील या आशेवर असतो. 

हेही वाचा - ...अन् विजयी उमेदवारच झाला पायउतार, काही दिवसातच आनंदावर पडलं विरजण

साधे स्पिरीटही नाही - 
राज्याच्या सरकारी रुग्णालयात धनुर्वात प्रतिबंधक सर्जरी विभाग असणे आवश्यक आहे. मात्र, ही लस नातेवाइकांनाच बाहेरून खरेदी करून आणावी लागते. अपघातामध्ये जखमींना लोखंडी खिळा, पत्रा लागल्याची भीती असते. यामुळे जखम होते. त्या वेळी धनुर्वात प्रतिबंधक लस म्हणून देण्यात येते. हे इंजेक्शन उपलब्ध नाही. सोबतच मेडिकलच्या सर्जरी कॅज्युअल्टीमध्ये साधे स्पिरीटही उपलब्ध नसल्याची माहिती रुग्णांची नातेवाइकांनी दिली आहे. यासंदर्भात विचारणा केली असता, वैद्यकीय अधीक्षकांनी चौकशी करण्यात येईल, असे सांगितले.