बुरशीचे आणखी ३ बळी; नागपूर जिल्ह्यात मृत्यूसंख्या पोहोचली ८५ वर

नागपूर : कोरोनाप्रमाणेच म्युकरमायकोसिसचे भय (Fear of mucomycosis, similar to corona) दिवसेंदिवस वाढत आहे. नागपूर शहरात शासकीय तसेच खासगी रुग्णालयांत २४ तासांत म्युकरमायकोसिस अर्थात बुरशीच्या आजाराने तीन जणांचा बळी (Three died of mucormycosis infection) घेतला आहे. २६ नवीन बुरशीचे रुग्ण आढळले (26 new patients were found) आहेत. त्यामुळे नागपूर जिल्ह्यातील आजपर्यंतच्या या बुरशीच्या आजाराने ८५ जणांचे जीव घेतले आहेत. (Three-died-of-mucormycosis-infection-in-Nagpur-district)

नागपुरात कोरोनाच्या रुग्णांमध्ये घट होत आहे. मात्र, तुलनेत म्युकरमायकोसिसचे रुग्ण वाढत असल्याने प्रशासनाने चिंता व्यक्त केली आहे. कोरोनावर नियंत्रणासाठी रेमडेसिव्हिरचा काळाबाजार होत असल्याचे पुढे आले. तर म्युकरमायकोसिसवर आवश्यक असलेले अँटी-फंगल इंजेक्शन ‘अम्फोटेरिसिन-बी’चा तुटवडा निर्माण झाला आहे. या इंजेक्शनचा काळाबाजार रोखण्यासाठी जिल्हाधिकारी यांच्याकडून इंजेक्शनचे शासकीय व खासगी रुग्णालयांना वितरण केले जात आहे.

रविवारी दिवसभरात शासकीय रुग्णालयांत ८, खासगी रुग्णालयांत १८ असे एकूण २६ नवीन रुग्णांची भर पडली आहे. नागपूर जिल्ह्यातील या आजाराच्या एकूण रुग्णांची संख्या १ हजार १३२ झाली आहे. खासगी रुग्णालयांतील तीन मृत्यूमुळे येथे या आजाराचे मृत्यूही वाढत आहेत. जिल्ह्यातील एकूण रुग्णांतील ५८५ रुग्णांवर आजपर्यंत शस्त्रक्रिया झाल्या आहेत. ३०० रुग्णांना रुग्णालयातून सुट्टी दिली गेली आहे. तर सध्या विविध ६४ खासगी व काही शासकीय रुग्णालयांमध्ये ६१८ रुग्णांवर उपचार सुरू आहेत. त्यातील ३३७ रुग्ण शासकीय रुग्णालयांत तर २८१ रुग्ण खासगी रुग्णालयांमध्ये उपचार घेत आहेत.

(Three-died-of-mucormycosis-infection-in-Nagpur-district)