‘माझी जगण्याची इच्छा संपली आहे’ अशी चिठ्ठी लिहून बारावीच्या विद्यार्थ्याची आत्महत्या | Sakal
sakal

बोलून बातमी शोधा

Twelfth grade student commits suicide

‘माझी जगण्याची इच्छा संपली आहे’ अशी चिठ्ठी लिहून आत्महत्या

नागपूर : ‘आता माझी जगण्याची इच्छा संपलेली आहे. मला मरायचे आहे. दहावीनंतरच माझ्या मनात आत्महत्येचा विचार येत होता. मात्र, मी आता जीव देत आहे.’, अशी सुसाईट नोट लिहून बारावीच्या विद्यार्थ्याने गळफास घेऊन आत्महत्या (student commits suicide) केली. ही घटना मानकापूर पोलिस ठाण्यांतर्गत घडली. आदित्य मधुकर मोवाडे (१७, रा. साईनगर, गोधनी रोड) असे आत्महत्या करणाऱ्या विद्यार्थ्याचे नाव आहे. (Twelfth grade student commits suicide)

प्राप्त माहितीनुसार, आदित्य बारावीचा विद्यार्थी होता आणि जेईईची तयारी करीत होता. त्याचे आई-वडील खासगी संस्थेत काम करतात. मोठा भाऊ अभियांत्रिकीचे शिक्षण घेत आहे. आदित्यने राहत्या घरी खिडकीला दोरी बांधून गळफास लावला. सायंकाळी सहा वाजताच्या सुमारास आई घरी परतली असता तो गळफास लावलेल्या अवस्थेत दिसला. मुलाला या अवस्थेत पाहून आईला धक्काच बसला. तिची आरडा-ओरड ऐकून शेजारी गोळा झाले.

हेही वाचा: दहशतवादी कसाब आमचा नागरिक; पाकिस्तानी मंत्र्याची कबुली

आदित्यला तत्काळ खाली उतरवून खासगी रुग्णालयात नेण्यात आले. मात्र, काही वेळातच डॉक्टरांनी त्याला मृत घोषित (student commits suicide) केले. सुसाईड नोटवरून (wrote suicide note) त्याच्या मनात अनेक दिवसांपासून आत्महत्येचा विचार सुरू होता, असे दिसून येते. त्यामुळे तो कुठल्यातरी तणावात होता. मात्र, त्याचे कारण अद्याप होऊ शकले नाही. पोलिसांनी प्राथमिक तपासात अकस्मात मृत्यूची नोंद केली असून तपास सुरू केला आहे.

मोबाईलमध्ये लिहिली सुसाईड नोट

घटनेची माहिती मिळताच मानकापूर पोलिस घटनास्थळावर पोहोचले. आदित्यजवळ पोलिसांना सुसाईड नोट (wrote suicide note) वगैरे काहीही मिळाले नाही. त्यामुळे त्याचा मोबाईल फोन तपासण्यात आला. आदित्यने आपल्या मोबाईलमध्येच सुसाईट नोट लिहून ठेवलेली होती. सुसाईट नोटमध्ये खिडकीला दोरी बांधणे आणि गळफास बनविण्याची वेळही त्याने नमूद केली होती.

Web Title: Twelfth Grade Student Commits Suicide Wrote Suicide Note Crime News Nagpur District

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..