Passengers seek a Vande Bharat Sleeper service on the busy Mumbai-Nagpur railway route.
esakal
अखिलेश गणवीर
नागपूर : भारतीय रेल्वेत अत्याधुनिक सुविधायुक्त वंदे भारत स्लीपर गाडी दाखल झाली आहे. मुंबई-बंगळुरूला हिरवी झेंडी मिळाली असून रविवारी उद्‍घाटनानंतर ती नियमितही झाली आहे. मात्र, राज्याच्या राजधानी ते उपराजधानी अशा मध्य रेल्वेच्या वर्दळीच्या मार्गावर वंदे भारत स्लीपरची केवळ प्रतीक्षाच आहे.
गाडी क्रमांक २७५७५/२७५७६ हावडा-कामाख्या-हावडा स्लीपर वंदे भारत एक्स्प्रेसनंतर मुंबई-बंगळुरू-मुंबई (२७६५१/२७६५२) ही देशातील दुसरी स्लीपर वंदे भारत रेल्वे ठरली आहे. मुंबई ते नागपूर प्रवाशांची संख्या मोठी आहे. त्यामुळे रोज धावणाऱ्या विदर्भ एक्स्प्रेस, दुरांतो आणि सेवाग्राम या गाड्या दोन्ही ठिकाणाहून नेहमीच हाऊसफूल धावतात.
