भिवापूर : महिला सरपंचाला अश्लील शिवीगाळ करुन पाहून घेण्याची धमकी देणाऱ्या गोसेखुर्द प्रकल्पबाधित पांजरेपार (पुनर्वसन)गट ग्रामपंचायतच्या उपसरपंचाविरुद्ध पोलिसांनी विविध कलमांखाली गुन्हा नोंदविला..किसन बोरकर (रा.पांजरेपार, ता. भिवापूर) असे आरोपीचे तर आकांक्षा पंकज नानवटकर (रा. गोहली पुनर्वसन) असे फिर्यादी महिलेचे नाव असून त्या पांजरेपार गट ग्रामपंचायतच्या सरपंच आहेत. आरोपी किसन बोरकर हा याच ग्रामपंचायतचा उपसरपंच आहे..पुनर्वसनातील भूखंड बदलीच्या प्रस्तावाला मान्यता देण्यास सरपंच नानवटकर यांनी नकार दिला. त्यावरून संतापलेल्या बोरकर याने गत शनिवारी (ता.१८) सरपंच नानवटकर यांच्या घरी जाऊन त्यांना अश्लील शब्दात शिवीगाळ करुन पाहून घेण्याची धमकी दिली होती..भूखंड बदलीवरून उद्भवला वादपांजरेपार व गोहली ही दोन्ही गावे गोसे धरणामुळे बाधित झालेली आहेत. त्यातील पांजरेपार गावाचे पुनर्वसन भिवापूर, उमरेड या राष्ट्रीय महामार्गावर तर गोहली गावाचे पुनर्वसन भिवापूर-जवळी मार्गावरील नक्षी फाट्याजवळ करण्यात आले आहेत. गोहली येथील धनराज वैद्य नामक प्रकल्पग्रस्ताच्या परिवाराला गोहली पुनर्वसनात भूखंड मिळाला आहे..परंतु त्यांना गोहलीऐवजी राष्ट्रीय महामार्गावर पुनर्वसन करण्यात आलेल्या पांजरेपार पुनर्वसनात भूखंड हवा आहे. त्याकरिता गोहली येथील भूखंडाच्या बदल्यात पांजरेपार येथे भूखंड मिळावा, यासाठी त्यांनी ग्रामपंचायतीकडे अर्ज केला होता. परंतु वैद्य यांना पांजरेपार येथे भूखंड देण्यास गावकऱ्यांचा तीव्र विरोध आहे..Nagpur Crime : दोन हत्यानांनी हादरले शहर; वाठोड्यात गॅंगवार, सक्करदऱ्यात प्रॉपर्टीच्या वादातून हत्या.या विरोधाची दखल घेत सरपंच नानवटकर यांनी वैद्य यांचा भूखंड बदलीचा अर्ज फेटाळून लावला. वैद्य यांना भूखंड मिळवून देण्यासाठी उपसरपंच बोरकर आग्रही होते. परंतु सरपंच नानवटकर यांनी अर्ज फेटाळून लावल्याने बोरकर यांचे मनसूबे उधळल्या गेले. त्यातूनच त्यांनी नानवटकर पती पत्नीला शिवीगाळ करुन धमकावल्याचे समजते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
