Vardha News: १,५९२ आजी, आप्पांचे साक्षरतेकडे पाऊल; दिली परीक्षा : साक्षरता कार्यक्रमांतर्गत पायाभूत साक्षरता व मूल्यमापन चाचणी

वर्धा: केंद्र शासन पुरस्कृत उल्लास नव भारत साक्षरता कार्यक्रम अंतर्गत जिल्हातील असाक्षर व्यक्तींची पायाभूत साक्षरता व संख्याज्ञान मूल्यमापन चाचणी परीक्षा घेण्यात आली. यात जिल्ह्यातील तब्बल एक हजार ५९२ असाक्षर आजी आप्पांनी ता आम्हीही साक्षर म्हणत ही परीक्षा दिली. .केंद्र व राज्य शासनाच्या संयुक्त विद्यमानाने राबविण्यात येत असलेल्या नव भारत साक्षरता कार्यक्रम अंतर्गत जिल्ह्यातील विविध केंद्रांवर साक्षरता चाचणी परीक्षा उत्साहात पार पडली. ज्यांचे वय १५ वर्षांपेक्षा जास्त आहे आणि जे कोणत्याही कारणास्तव शिक्षणापासून वंचित राहिले होते, अशा हजारो असाक्षरांनी या परीक्षेत सहभाग नोंदवून साक्षरतेच्या दिशेने आपले पहिले पाऊल टाकले आहे. सकाळी १० ते सायंकाळी पाच या वेळेत असाक्षर व्यक्तीच्या सोयीनुसार तीन तासाची ही परीक्षा घेण्यात आली..Pune Municipal Property: पुणे महापालिकेच्या ताब्यातील चार हजार मिळकती बेवारस; प्रॉपर्टी कार्डवर नोंदच नाही, मालमत्ता विभागाचे दुर्लक्ष!.यामध्ये प्रामुख्याने वाचन, लेखन, संख्याज्ञान तीन भागांवर आधारित प्रश्न विचारण्यात आले. केंद्रावर परीक्षेकरता आलेल्या असाक्षरांचे पुष्पगुच्छ देऊन स्वागत करण्यात आले. जिल्ह्यातील एका केंद्रावर एक दिव्यांग व्यक्तीने परीक्षा दिली, ही उल्लेखनीय बाब आहे. सदर परीक्षेला जिल्ह्यातील आठ तालुक्यातुन ९४१ परीक्षा केंद्रामधून ११२६ स्त्री व ४७५ पुरुष असे एकूण १६०१ असाक्षरांची परीक्षेसाठी नोंदणी झाली होती. पैकी ११२२ स्त्रीया व ४७० पुरुष असे एकूण १५९२ असाक्षर परीक्षेस उपस्थित होते. शिक्षणाधिकारी (योजना) जिल्हा परिषद वर्धा यांचे कार्यालयाकडून या परीक्षा संचालनाची तयारी करण्यात आली होती..परीक्षेकरिता जिल्ह्यास १५३८ नवसाक्षरांचे उद्दिष्ट संचालक कार्यालयाकडून निर्धारित करण्यात आले होते. मात्र प्रत्यक्षात उद्दिष्टापेक्षा अधिक म्हणजे १५९२ असाक्षरांनी परीक्षा दिल्याचे शिक्षणाधिकारी (योजना) चंद्रकांत चिलवंते यांनी सांगितले. जिल्हाधिकारी, मुख्य कार्यकारी अधिकारी जिल्हा परिषद, वर्धा, प्राचार्य, जिल्हा शिक्षण व प्रशिक्षण संस्था, वर्धा यांच्या मार्गदर्शनात परीक्षा घेण्यात आली. परीक्षेच्या आयोजनासाठी जिल्ह्यातील सर्व पर्यवेक्षकीय यंत्रणेणे महत्वपूर्ण योगदान दिले..Mumbai News: प्रामाणिक कामगिरीतूनच यश; उद्योगमंत्री उदय सामंत यांचे ‘यिन’ अधिवेशनात युवकांना मार्गदर्शन .तसेच परीक्षेच्या पारदर्शकतेसाठी आणि संचलनासाठी जिल्हा व तालुका स्तरावरून विशेष भरारी पथक नेमण्यात आले होते. पर्यवेक्षीय यंत्रणेने प्रत्येक केंद्राला भेटी देऊन कामकाजाचा आढावा घेतला. शाळेचे मुख्याध्यापक व शिक्षक, असाक्षरांना शिकवणारे स्वयंसेवक, शाळा व्यवस्थापन समिती, नागरिक, जिल्ह्यातील पर्यवेक्षकीय यंत्रणा यांचे परीक्षेकरिता सहकार्य लाभले..पुरुषांच्या तुलनेत महिलांचा संख्या अधिकशासनाच्या वतीने राबविण्यात येत असलेल्या या अभियानात नोंद करण्यात आलेल्या असाक्षरांच्या यादीत महिलांची संख्या अधिक आहे. त्यांच्यात साक्षरतेबाबत अधिक जागृती निर्माण झाल्याचे हे चिन्ह आहे. परीक्षा दिलेल्या असाक्षरांत ११२२ महिला आहेत. तर केवळ ४७० पुरुष आहेत..परीक्षेला उपस्थित असलेले असाक्षरतालुका विद्यार्थीवर्धा १८१सेलू १९६देवळी २०१आर्वी २२१आष्टी १८१कारंजा १९७हिंगणघाट ११९समुद्रपूर २९६ .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Wardha News: ‘स्मार्ट’ वर्ध्याचा चेहराच विद्रुप; जागोजागी अवैध पोस्टरबाजी; लाखोंचा महसूल बुडाला

Vardha News: वर्ध्यात संशयास्पद कार पेटली; परिसरात खळबळ; केळझर रोपवाटिकेजवळ आग; सिंदी पोलिसांची तातडी कारवाई

Vardha News: वर्ध्यात रानडुक्कर आडवा; कार उलटली, चार जखमी; नागपूरकडून वर्ध्याकडे जात असलेल्या कारचा अपघात