नवनीत राणा यांना चक्क खासदाराने दिली धमकी; आरोप करताना काय म्हणाल्या

नागपूर : नवनीत राणा या विदर्भातील अमरावतीच्या खासदार... त्या आपल्या कार्यामुळे नेहमी चर्चेत असतात. वेगवेगळे विधान करण्यापासून समाजकार्यात त्या नेहमी आघाडीवर असतात. महिलांपासून युवावर्गात त्या चांगल्याच प्रसिद्ध आहे. मागे त्यांना ‘ज्या चेहऱ्यावर तू घमंड करते तो चेहरा ॲसिड टाकून विद्रूप करून टाकू’ अशी धमकी मिळाली होती. या प्रकरणाने चांगलीच खळबळ उडाली होती. आता एका खासदाराकडूनच धमकी मिळाल्याचा आरोप त्यांनी केला आहे.

महाराष्ट्रात महाविकासआघाडीची सत्ता आल्यापासून शिवसेना हवेत गेली आहे. त्यांना वाट्टेल तसे ते वागत आहे. कुणालाही जेलमध्ये टाकत आहेत. त्यांच्याविरोधात बोलणाऱ्यांवर कारवाई केली जात आहे. परमबीर सिंग, मनसुख हिरेन प्रकरणावरून हे सिद्ध होते. मी यांचे काळे धंदे सभागृहासमोर मांडत असल्यामुळे गुंदागर्दी सुरू केली आहे. आज तर शिवसेनेचे खासदार अरविंद सावंत यांनी हद्दच केली. माझ्या बाजूंनी जाताना त्यांनी मला धमकी दिल्याचा आरोप त्यांनी केला आहे.

जाणून घ्या - दुर्दैवी घटना! दीड वर्षाच्या मुलीसह आईची विहिरीत उडी घेऊन आत्महत्या

यापूर्वीही शिवसेनेकडून मला ठार मारण्याच्या धमक्या दिल्याचे त्यांनी सांगितले. आतातर अरविंद सावंत यांनी मला जेलमध्ये टाकण्याची धमकी दिली. ‘आता तुम्हाला जेलमध्ये टाकणार, तुमचे बाहेर फिरणे मुश्‍कील करून टाकू’ अशी धमकी दिल्याचा आरोप नवनीत राणा यांनी सोमवारी केला.

सभागृहाच्या बाहेर वृत्तवाहिनीशी बोलताना त्यांनी शिवसेनेवर चांगलेच तोंडसुख घेतले. परंतु, त्यांच्या धमक्यांना मी घाबरले नाही, असेही त्या म्हणाल्या. तसेच महिला खासदाराला सभागृहाच्या आत अशाप्रकारे धमकावणे कितपत योग्य आहे, असा सवालही त्यांनी उपस्थित केला.

पत्नीच्या अनैतिक संबंधातून सेवानिवृत्त जवानाचा खून; पती लवकर घरी आल्याने घडला थरार

मागे मिळाले होते धमकीचे पत्र

आठ फेब्रुवारीला राष्ट्रपतींच्या अभिभाषणावर अभिनंदनाच्या प्रस्तावावर मी बोलत होती. ठाकरे सरकारच्या कामांची माहिती संसदेत देत होती. दुसऱ्याच दिवशी मला पत्र मिळाले होते. त्या पत्रात ‘ज्या चेहऱ्यावर तू घमंड करते, तो चेहरा ॲसिड टाकून विद्रूप करून टाकू’, अशी धमकी लिहिली होती. तुम्हाला फिरण्याच्या लायकीचे सोडणार नाही, अशी धमकीसुद्धा पत्रातून देण्यात आली होती.

संपादन - नीलेश डाखोरे