राष्ट्रवादीचे आमदार राजू कारेमोरे यांना अटक| Raju Karemore | Sakal
sakal

बोलून बातमी शोधा

राजू कारेमोरे

राष्ट्रवादीचे आमदार राजू कारेमोरे यांना अटक

भंडारा : जिल्ह्यातील तुमसर तालुक्यातील राष्ट्रवादी काँग्रेसचे आमदार राजू कारेमोरे (Raju Karemore) यांना सोमवारी (ता. ३) भंडारा पोलिसांनी अटक केली आहे. शुक्रवारी (ता. ३१) रात्री मोहाडी पोलिस ठाण्यामध्‍ये त्यांनी राडा घातला पोलिसांना शिवीगाळ केली होती. तसेच व्यापारी मित्रांना पोलिसांनी मारहाण केल्याचा आणि ५० लाख चोरी केल्याचा आरोप राजू कारेमोरे यांनी लावला होता. सोमवारी त्यांना घरातून भंडारा पोलिसांनी अटक केले.

हेही वाचा: ‘दहशतवादी ठार केला, मृतदेह घेऊन जा’; भारतीय लष्कराचा पाकिस्तानला संदेश

आमदार राजू कारेमोरे (Raju Karemore) यांच्या व्यापारी मित्रांना पोलिसांनी बेदम मारहाण केल्यामुळे आमदार कारेमोरे यांनी थेट पोलिस ठाणे गाठून पोलिस ठाण्यातच धिगांणा घातला होता. आमदारांचा व्हिडिओ सोशल मीडियावर चांगलाच व्हायरल झाला होता. राजू कारेमोरे यांचे व्यापारी मित्र आमदारांच्या घरून ५० लाखांची रोकड घेऊन तुमसरकडे जात होते.

पोलिसांनी गाडी चालकाला इंडिकेटर का दिले नाही? म्हणून गाडी थांबवली. यावेळी यासीम छवारे, अविनाश पटले आणि पोलिस यांच्यामध्ये बाचाबाची झाली. पटले आणि छवारे यांच्याजवळील ५० लाखांची रोख रक्कम आणि सोन्याची चेन पोलिसांनी पळविल्याची तक्रार यासीम छावारे यांनी मोहाडी पोलिसात दिली होती. बंदोबस्तावर तैनात असलेले पोलिस उपनिरीक्षक राणे यांनी देखील फिर्यादी यांनी शासकीय कामात अडथळा आणल्याची तक्रार दाखल केली. त्यानंतर आमदार राजू कारेमोरे यांनी माफी देखील मागितली होती. मात्र, सोमवारी त्यांना पोलिसांनी अटक केली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BhandaraCrime News
loading image
go to top