अमरावती (चिखलदरा) - तालुक्यातील सिमोरी गावातील २२ दिवसांच्या बाळाला घरगुती उपाय म्हणून विळा तापवून ६५ वेळा डागण्या देण्यात आल्याची धक्कादायक घटना आज उजेडात आली. .या प्रकारामुळे त्या बाळाची प्रकृती बिघडल्याने त्याला नातेवाइकांनी सिमोरीवरून हतरू प्राथमिक आरोग्यकेंद्र येथे आणले. त्यानंतर हतरू येथून अचलपूरला व नंतर अमरावती येथील डफरीन रुग्णालयात सोमवारी (ता. २४) रात्री ११ वाजता उपचारार्थ दाखल करण्यात आले. .सिमोरी गावातील रहिवाशी बेबी ऊर्फ फुलवंती राजू धिकार यांना २२ दिवसांचे बाळ आहे. सदर बाळ हे आजारी पडल्याने नातेवाइकांनी त्या बाळाच्या पोटावर विळा गरम करून अक्षरशः ६५ वेळ चटके दिले. .त्यामुळे त्याची प्रकृती खालावली होती. अशातच नातेवाइक घाबरले. त्यामुळे त्यांनी बाळाला हतरू येथील प्राथमिक आरोग्यकेंद्रात उपचारार्थ दाखल केले. त्यानंतर १०८ अॅब्युलन्सने अचलपूर येथे संदर्भीत करण्यात आले. त्यानंतर त्याला अमरावती येथीर डफरीन रुग्णालायात दाखल करण्यात आले. त्याच्यावर उपचार सुरू आहेत. या घटनेची माहिती आज उघड होताच चांगलीच खळबळ उडाली. .सिमोरी येथील बाळ आजारी असल्यामुळे नातेवाइकांनी त्याच्या पोटावर चटके दिले. त्यामुळे बाळाची प्रकृती खालावली. त्यांनी प्राथमिक आरोग्यकेंद्र हतरू येथे बाळाला दाखवले. डॉक्टरांनी तपासून शासकीय १०८ रुग्णवाहिकेने महिला व बाळाला अचलपूर येथील रुग्णालयात संदर्भित केले. बाळाची प्रकृती चिंताजनक असल्यामुळे तेथून पुढील उपचाराकरिता जिल्हा स्त्री रुग्णालय, अमरावती येथे त्याला भरती करण्यात आले आहे. त्याच्यावर एनआयसीयूमध्ये उपचार सुरु आहेत.- डॉ. प्रवीण पारिसे, जिल्हा आरोग्य अधिकारी, अमरावती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
