चंद्रपुरात चोरी केल्याच्या वादातून एकाची हत्या

बल्लारपूर (जि. चंद्रपूर) : डुक्कर चोरी (Pig theft) केल्याच्या वादातून दोन भावडांनी एकाची हत्या (Two brothers killed one) केली. याप्रकरणी पोलिसांनी एकास अटक केली आहे तर दुसरा आरोपी पसार आहे. राकेश दर्शन बहुरिया असे मृताचे नाव आहे. (One killed in pig theft controversy in Chandrapur)

बल्लारपूर येथील आंबेडकर वॉर्डात राकेश दर्शन बहुरिया राहतो. त्याच वॉर्डात राजकुमार राजू बहुरिया राहतो. दोघांचा डुक्कर विकण्याचा व्यवसाय आहे. या व्यवसायातून नेहमी दोघांमध्ये वाद व्हायचे. डुक्कर विकण्याच्या कारणावरून त्यांचात चांगलाच वाद झाला. रविवारी सायंकाळच्या सुमारास राकेश हा एम एच ३४ बीक्यू १७८५ या क्रमांकाच्या वाहनाने जात होता. त्याचवेळी रस्त्यात राजकुमार बहुरिया याने राकेशच्या गळ्यावर धारदार शस्त्राने वार केले.

अचानक झालेल्या हल्ल्यात राकेश वाहनावरून खाली कोसळला. त्यात जागीच मृत्यू झाला. या हत्येनंतर आरोपीने बल्लारपूर पोलिस स्टेशनमध्ये आत्तमसर्पण केले. या घटनेतील दुसरा आरोपी पसार असून, पोलिस त्याचा शोध घेत आहे. या घटनेनंतर रेल्वे लाइन परिसरात तणावाचे वातावरण पसरले होते.

(One killed in pig theft controversy in Chandrapur)