Crop Loan sakal
विदर्भ
Crop Loan : दोन महिन्यांत केवळ ६८ टक्के वाटप; पीककर्ज वाटपात राष्ट्रीयीकृत बँकांचा आखडता हात
Chandrapur Farmers : चंद्रपूर जिल्ह्यात खरीप हंगामाची तयारी पूर्ण असून शेतकऱ्यांना पीककर्जाची तीव्र गरज आहे. मात्र राष्ट्रीयीकृत बँका कर्जवाटपात संथगतीने वाटचाल करत असल्याने शेतकरी अडचणीत आले आहेत.
चंद्रपूर : खरीप हंगामाची तयारी पूर्ण झाली आहे. बी- बियाणे, खते, कीटकनाशके खरेदीसाठी शेतकऱ्यांची धावपळ सुरू आहे. यासाठी शेतकऱ्यांना पीककर्जाची आवश्यकता आहे. मात्र, राष्ट्रीयीकृत बँकांनी पीककर्ज वितरणात आखडता हात घेतला आहे. त्यामुळे मागील दोन महिन्यांत केवळ ६८ टक्केच पीककर्जाचे वाटप झाले आहे. -ंद्रपूर जिल्ह्याला ११५० कोटी रुपये पीककर्ज वाटपाचे उद्दिष्ट आहे. आजघडीला केवळ ७१ हजार ३३ शेतकऱ्यांना ७७६ कोटी ५७ लाख रुपये एवढेच पीककर्ज वाटप करण्यात प्रशासनाला यश आले आहे.