

Paritosh Ingole Joins Republican Sena After Leaving Vanchit Bahujan Aghadi
esakal
वाशिम : वंचित बहुजन आघाडीचे प्रमुख प्रकाश आंबेडकर यांचे विश्वासू मानले जाणारे आणि पक्षाच्या संघटनात्मक बांधणीत महत्त्वाची भूमिका बजावलेले इंजिनिअर पारितोष इंगोले यांनी अखेर वंचित बहुजन आघाडीची साथ सोडली आहे. पक्षाचे माजी जिल्हा संघटक असलेल्या इंगोले यांनी रिपब्लिकन सेनेत जाहीर प्रवेश केल्याने वाशिम जिल्ह्याच्या राजकीय वर्तुळात एकच खळबळ उडाली आहे. आनंदराज आंबेडकर यांच्या प्रमुख उपस्थितीत झालेला हा पक्षप्रवेश वंचित बहुजन आघाडीसाठी संघटनात्मक धक्का मानला जात असून, प्रदेश कार्यकारिणी निवडीनंतर पक्षात निर्माण झालेल्या नाराजीच्या पार्श्वभूमीवर या घडामोडीला विशेष राजकीय महत्त्व प्राप्त झाले आहे.