देसाईगंज​ तालुक्यात वाघाच्या हल्ल्यात पहिला बळी

The person killed in the tiger attack at Usegaon Gadchiroli
The person killed in the tiger attack at Usegaon Gadchiroli

देसाईगंज (जि. गडचिरोली), ता. 28 : गुरे चारण्यासाठी शेतात गेलेल्या इसमावर वाघाने हल्ला करून ठार केल्याची घटना काल रविवारी (ता. 27) घडली.

तालुक्यातील उसेगाव येथे ही घटना घडली. कालपासून शोधमोहिम राबविल्यानंतर आज 28 जानेवारी त्याचा मृतदेह हाती लागला आहे. पांडूरंग सयाम (वय 55) असे वाघाच्या हल्ल्यात ठार झालेल्या इसमाचे नाव आहे.  सयाम व कुसन कापगते हे दोघे गुरे चारण्यासाठी जंगलालगतच्या शेतात गेले होते. मात्र सयाम यांच्यावार वाघाने हल्ला करून फरफटत जंगलात नेले.

सायंकाळी कापगते हे एकटेच गावात परतले. यामुळे गावकरी व वनविभागाच्या पथकाने कालपासून शोधमोहिम सुरू केली होती. काल रात्री 12 वाजतापर्यंत काहीच हाती लागले नाही. आज सोमवारी सकाळी 7 वाजताच्या सुमारास पुन्हा शोधमोहिम राबविली असता सयाम यांचा मृतदेह आढळून आला.

तालुक्यातील कोंढाळा - उसेगाव परिसरात मागील दोन ते तीन वर्षांपासून वाघाचे वास्तव्य आहे. मात्र आजपर्यंत वाघाने मनुष्यहानी केली नव्हती. याआधी तीन गायींना वाघाने भक्ष्य बनविले होते. यामुळे आता वाघाची दहशत निर्माण झाली आहे. कासवी, उसेगाव, कोंढाळा परिसरात या वाघाचा वावर आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com