अकोट : वन्य प्राणी काळवीटची शिकार केलेले मांस बनवून खातेवेळी एका आरोपीस रंगेहात पकडण्यात आले. ही कारवाई रविवारी (ता. २०) रोजी जऊळखेड येथे वनपरिक्षेत्र अधिकारी (प्रा) अकोला यांनी केली आहे..अकोट वर्तुळात येत असलेल्या कुटासा येथे वन्य प्राण्यांची शिकार झाली असताना अकोला वन परिक्षेत्रातील पथक अकोट वन परिक्षेत्रामध्ये येऊन कारवाई करते. मात्र, अशा वेळी अकोट विभागाला या शिकारीबाबत कुठलाच सुगावा नसल्याचे दिसून आले. राखीव वनक्षेत्र, मुबलक जलस्रोत, काळवीटांचा सर्वाधिक अधिवास असलेल्या आणि अकोट वर्तुळ अंतर्गत येणाऱ्या कुटासा क्षेत्रात वन्यप्राणी काळवीटची दि.१९ जुलै रात्रीच्या सुमारास शिकार करण्यात आली. .दि.२० जुलै रोजी यातील तिघांना ताब्यात घेण्यात आले असून, एका आरोपीला घरात मांस बनवून खातेवेळी ताब्यात घेण्यात आले आहे. या प्रकरणात एक आरोपी फरार असल्याची माहिती संबंधित विभागाकडून देण्यात आली. दि.२० जुलै रोजी अकोला प्रादेशिक विभागाला गुप्त व गोपनीय माहितीच्या आधारे वन्य प्राण्यांची शिकार अकोट वर्तुळात झाल्याची माहिती मिळाली. .वनअधिकाऱ्यांनी मौजा जऊळखेड येथील रहिवासी अंकुश गणेश इंदौरे, दिगंबर जनकीराम घारे (रा.कुटासा), गणेश दयाराम इंदौरे (रा.जऊळखेड) यांच्या घरची झाडाझडती घेतली. यामध्ये दिगंबर जनकीराम घारे यांच्या घरातून वन्यप्राणी काळवीटची शिकार केल्याचे सिद्ध झाले. त्यांना काळवीटचे मांस बनवून खातेवेळी रंगेहात पकडण्यात आले. यावेळी आरोपीजवळून अंदाजे अर्धा किलो मांस जप्त करण्यात आले. ही कारवाई उपवनसंरक्षक सुमंत सोळंके, एसीएफ नम्रता ताले यांच्या मार्गदर्शनात वनपरिक्षेत्र अधिकारी (प्रा) व्ही.आर. थोरात यांचे अधिनस्त वनकर्मचारी पी.ए. तुरुक, वनरक्षक अतिक हुसेन, वनरक्षक सुभाष काटे, सोपान रेळे, तुषार आवारे आदी वनकर्मचाऱ्यांनी पार पाडली..मुख्य आरोपी फरारया प्रकरणात ईश्वर बाळकृष्ण इंदौरे नामक इसम अद्याप फरार असून,या आरोपीने अंकुश गणेश इंदौर च्या मदतीने राखीव वनात शिकार केल्याची माहिती संबंधीत विभागाने दिली मुख्य आरोपीवर यापूर्वीही शिकार संबंधी दोन गुन्हे असल्याची माहिती आहे..Yavatmal Accident : ट्रकचा टायर फुटून मजुराचा मृत्यू; सहा गंभीर जखमी; नेर अमरावती रोडवरील घटना.शिकारीचे साहित्य जप्तफरार आरोपी ईश्वर इंदौर यांच्या घरातून शिकारीकरिता वापरण्यात येणारे बारुद व तत्सम साहित्य जप्त करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
