कोविडमधून परतला, खूनप्रकरणात अडकला; दोन अधिकाऱ्यासह चार पोलिस पॉझिटिव्ह

file photo
file photo

अमरावतीः गुन्ह्यात सहभागी संशयित आरोपींना पकडून पोलिस कोठडी घेणे, चौकशी करणे ही पोलिसांचा तपासाचा भाग आहे. परंतु आता त्यांच्यावरही सावध होण्याची वेळ आली आहे. कोविड रुग्णालयात चार दिवस उपचार घेऊन परतल्यानंतर त्याने खून केल्याची बाब उघडकीस आली.
दरम्यान, गाडगेनगर ठाण्यातील एका पोलिस निरीक्षकासह, एक उपनिरीक्षक आणि चार कर्मचारी असे सहा जण कोरोना पॉझिटिव्ह आढळले. 1 ऑगस्ट 2020 रोजी शहरातील शोभानगरात पंकज गोकुल सिडाम (वय 28) या युवकास दोघांनी पकडून एकाने चाकूने हल्ला करून त्याचा खून केला. त्या घटनेनंतर काही वेळातच दोघांना पोलिसांनी अटक केली. त्यापैकी एक जण खून करण्याच्या चार ते पाच दिवसांपूर्वीच कोविड रुग्णालयात उपचार घेऊन परत आला होता. त्यानंतर त्याने खून केल्याची बाब पोलिसांनी केलेल्या चौकशीमध्ये उघडकीस आली. 

अटक केल्यानंतर पोलिसांनी सदर संशयितास तपास अधिकाऱ्यांच्या सुपूर्द केले. त्याची पोलिस कोठडीत घेतली. शस्त्र जप्तीसह चौकशी केली. दरम्यान, दोन दिवसांपासून अचानक संबंधित वरिष्ठ पोलिस निरीक्षक एक उपनिरीक्षकाची प्रकृती बिघडली. त्यामुळे वरिष्ठांच्या आदेशावरून या दोन अधिकाऱ्यांसह त्याच्या संपर्कातील चार अशा सहा जणांना कोरोना चाचणी करण्यास सांगितले असता सहा जणांचा अहवाल पॉझिटिव्ह आला. असे पोलिस निरीक्षक मनीष ठाकरे यांनी सांगितले. परंतु कोविड रुग्णालयात चार दिवस राहिल्यानंतर ज्याने खून केला त्याला जेव्हा पोलिसांनी पकडले तेव्हा तो पॉझिटिव्ह होता किंवा नाही याबाबत, निश्‍चित माहिती सुमजू शकली नाही. त्यामुळे पॉझिटिव्ह आलेले सहाही जण खूनप्रकरणातील संशयित व्यक्तीमुळेच पॉझिटिव्ह आले किंवा इतरांच्या संपर्कात आल्याने त्यांना बाधा झाली. याबाबत संभ्रम आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com