Gondia Crime : वडिलाचा मुलीवर लैंगिक अत्याचार; अत्याचार पीडित मुलीने एका बाळाला दिला जन्म

सडक अर्जुनी (जि. गोंदिया) - तालुक्यातील डुग्गीपार पोलिस ठाण्याअंतर्गत येत असलेल्या एका गावातील १४ वर्षीय स्वतःच्या मुलीवर वडिलानेच लैंगिक अत्याचार केल्याची घटना उघडकीस आली आहे..संबंधित मुलीने आरोपी वडिलाविरोधात डुग्गीपार पोलिसात ९ नोव्हेंबरला तक्रार दिली आहे. दरम्यान, पोलिसांनी गुन्हा दाखल करून आरोपीला अटक केली आहे. विशेष म्हणजे, अत्याचार पीडित मुलीने दोन दिवसांपूर्वी एका बाळाला जन्मदेखील दिला आहे..यातील पीडित मुलीची आई दहा वर्षांपासून माहेरी राहत आहे, तर पीडित मुलगी, मुलीचे वडील, आजी व भाऊ हे एकत्र राहत होते. अशातच काही महिन्यांपूर्वी वडिलाने स्वतः च्या मुलीवर लैंगिक अत्याचार केला. पीडित मुलीला अस्वस्थ वाटू लागल्याने तिला गोंदियाच्या रुग्णालयात नेण्यात आले होते. तपासणीदरम्यान मुलगी गर्भवती असल्याचे निदर्शनास आले..या अनुषंगाने तत्काळ तक्रार देण्यात आली. डुग्गीपार पोलिस ठाण्यात गुन्हा नोंदविण्यात आला. पोलिसांनी घटनेचे गांभीर्य आेळखून आरोपी वडिलाला अटक केली. पीडित मुलीने दोन दिवसांपूर्वी बाळाला जन्म दिला..या घटनेचा पुढील तपास देवरीचे उपविभागीय पोलिस अधिकारी विवेक पाटील यांच्या मार्गदर्शनाखाली डुग्गीपारचे पोलिस निरीक्षक गणेश वनारे, सहायक पोलिस निरीक्षक रुपाली पवार तपास करीत आहेत. या घटनेमुळे समाजमन सुन्न झाले असून अशा बापाला कठोरात कठोर शिक्षा व्हावी, अशी मागणी होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.