Sambhaji Bhide : संभाजी भिडे यांना यवतमाळ जिल्ह्यात मज्जाव करण्याची मागणी

यवतमाळ - जिल्ह्यात अत्यंत शांत व सलोख्याचे वातावरण आहे. अशा स्थितीत मनोहर कुलकर्णी उर्फ संभाजी भिडे यांचा शनिवारी (ता. 29) शहरात कार्यक्रम होत आहे. या कार्यक्रमासाठी भिडे यांना जिल्ह्यात येण्यास मज्जाव करण्यात यावा, अशी मागणी आंबेडकरी जनआक्रोश मोर्चाने केली आहे. याबाबतचे निवेदन शुक्रवारी (ता. 28) जिल्हाधिकार्‍यांना देण्यात आले.

संभाजी भिडे यांचा शनिवारी यवतमाळात कार्यक्रम असल्याची महिती मिळाली आहे. त्यांनी यापूर्वी महापुरुषांबद्दल आक्षेपार्ह वक्तव्य केले आहे. त्यामुळे त्यांना जिल्ह्यात येऊ देवू नये, अशी मागणी आंबेडकरी जनआक्रोश मोर्चाचे निवेदनात केली आहे.

निवेदन देताना प्रमोदिनी रामटेके, मनीषा तिरणकर, प्रतिभा हरणखेडे, धम्मवती वासनिक, कविता नागपुरे, शीला वैद्य, भारती सावते, विद्या परचाके, राजकुमार उमटे, वंदना उरकुडे, सुकेशनी खोब्रागडे, अभिषेक गायकवाड, आनंद भगत, रेखा जगताप, पुष्पा सिरसाट, विद्या पातालबंशी, मंदा गुडदे आदी उपस्थित होते.