तिवसा (जि. अमरावती) ः तिवसा तालुक्‍यात राष्ट्रीय महामार्गावर तर, चिखलदरा तालुक्‍यात बिबा व राहू मार्गादरम्यान अपघाताच्या दोन वेगवेगळ्या घटनांमध्ये तिघांचा मृत्यू झाला. गुरुवारी (ता. १७) सायंकाळी हे अपघात घडलेत.
तिवस्यात राष्ट्रीय महामार्गावर पादचाऱ्यास दुचाकीस्वाराने धडक दिली. या अपघातात पादचाऱ्याचा घटनास्थळीच मृत्यू झाला. दुचाकी चालकाला जबर मार लागल्याने उपचारादरम्यान त्याचाही मृत्यू झाला. तिवसा ठाण्याच्या हद्दीत वरखेड फाट्यानजीक ही घटना घडली.
अमोल रानोटकर (रा. बेलोरा, जळगाव) हे एमएच ३२ एस ०२७४ क्रमांकाच्या दुचाकीने जात असताना पायदळ जाणाऱ्यास दुचाकीची धडक बसल्याने त्यामध्ये पादचाऱ्याचा जागीच मृत्यू झाला. या व्यक्तीची ओळख पटविण्याकरिता पोलिसांनी शोधपत्रिका प्रसिद्ध केली. यामध्ये मृताचे वय अंदाजे ३५ ते ४० वर्षे आहे.
लांब बाह्यांचा शर्ट, त्याखाली भुरकट काळसर रंगाचा पॅन्ट, उंची पाच फूट सात इंच असे अपघातात मृत्युमुखी पडलेल्या पादचाऱ्याचे वर्णन आहे. अनोळखी व्यक्तीसंदर्भात नागरिकांनी पोलिसांना माहिती कळवावी, असे आवाहन पोलिस निरीक्षक रिता उईके यांनी केले. उपचारादरम्यान मृत्युमुखी पडलेल्या दुचाकीस्वाराचे नाव अमोल रानोटकर असल्याचे पोलिसांनी सांगितले.
सविस्तर वाचा - घरी काम करणाऱ्या मजुरांनी स्लॅब टाकण्याची केली तयारी अन् तेवढ्यात आला धडकी भरवणारा आवाज
अपघाताची दुसरी घटना चिखलदरा तालुक्‍यातील सरवारखेडा येथे घडली. सुखराम झापु भुसुम हे एमएच २७ सीजी ७६५२ क्रमांकाच्या दुचाकीने चुरणी येथे गेले होते. गावाकडे परत येताना बिबा व राहू मार्गावर रात्रीच्या दरम्यान रस्त्यालगतच्या नालीत पडून झालेल्या अपघातात त्यांचा मृत्यू झाला. बिबा येथील पोलिस पाटील यांनी काटकुंभ पोलिस चौकीला कळविले. पोलिसांनी अपघातस्थळाचा पंचनामा करून उत्तरीय तपासणीसाठी मृतदेह चुरणी ग्रामीण रुग्णालयात पाठविला.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.