गडचिरोली, परभणी - मॉर्निंग वॉक करणाऱ्या दोन महिला व व्यायाम करणाऱ्या चार युवकांसह सहा जणांना भरधाव वाहनांच्या धडकेत जीव गमवावा लागला. गडचिरोली आणि परभणी जिल्ह्यांत या दुर्घटना घडल्या..गडचिरोली-आरमोरी महामार्गावर काटली गावाजवळ पहाटे साडेपाच वाजता व्यायाम करत असलेल्या सहा युवकांना भरधाव ट्रकने चिरडले. त्यापैकी दोघे जागेवरच ठार झाले तर दोघांचा उपचारादरम्यान मृत्यू झाला. उर्वरीत दोघांना तातडीने नागपूरला हलविण्यात आले आहे.टिंकू नामदेव भोयर (वय १४), तन्मय बालाजी मानकर (वय १६), सुशांत दुर्योधन मेश्राम (वय १५) व तुषार राजेंद्र मारभते (वय १३) अशी मृत मुलांची नावे आहेत. मुख्यमंत्री व गडचिरोलीचे पालकमंत्री देवेंद्र फडणवीस यांनी राज्य सरकारकडून मृतांच्या नातेवाईकांना प्रत्येकी चार लाख रुपयांची आर्थिक मदत ‘जाहीर केली. जखमींच्या उपचाराचा सर्व खर्च सरकार करणार असल्याचेही सांगितले..महिलांना चिरडलेपरभणी - भरधाव वाहनाने चिरडल्याने ‘मॉर्निंग वॉक’ करणाऱ्या दोन महिलांचा मृत्यू झाल्याची घटना परभणी-गंगाखेड महामार्गावरील दैठणा (ता. परभणी) गावाजवळ गुरुवारी घटली. पुष्पाबाई कच्छवे (वय ६९) आणि अंजनाबाई सुरेश शिसोदे (५५) अशी त्यांची नावे आहेत. पुष्पाबाई या परभणी जिल्हा परिषदेचे माजी अध्यक्ष उत्तमराव कच्छवे यांच्या पत्नी होत. पती-पत्नी आणि अंजनाबाई शिसोदे हे नेहमीप्रमाणे पहाटे सुमारास फिरण्यासाठी गेले असताना हा अपघात झाला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
