काळजी घ्या, विदर्भात वादळी पावसाचा इशारा... वाचा ही महत्त्वाची बातमी

नागपूर : विदर्भात उन्हाचा चटका वाढला असतानाच आता अवकाळी पाऊसही बळीराजाची चिंता वाढविणार असल्याची चिन्हे आहेत. प्रादेशिक हवामान विभागाने बुधवारपासून वादळी पावसाचा इशारा दिला असून, पावसाळी वातावरण तीन-चार दिवस राहणार आहे.

हवामान विभागाच्या संकेतस्थळावर उपलब्ध माहितीनुसार, 'वेस्टर्न डिस्टर्बन्स'मुळे मध्य भारतात चक्रिवादळाचा स्थिती तयार होत आहे. त्याच्या प्रभावामुळे विदर्भात पुढील तीन-चार दिवस पावसास अनुकूल वातावरण राहणार आहे. त्यामुळे बुधवारपासूनन विदर्भात काही ठिकाणी विजांसह जोरदार वादळी पाऊस बरसण्याची दाट शक्यता आहे. 

- ये शहर है कोरो'ना' का... इवली-इवलीशी मुले होताहेत बाधित; तीन दिवसांत २5 रुग्णांची भर
 

विशेषतः पूर्व विदर्भातील चंद्रपूर, गडचिरोली, गोंदिया या जिल्ह्यांमध्ये वादळ अपेक्षित आहे. नागपूरसह इतरही जिल्ह्यांमध्ये जोरदार पावसाची शक्यता आहे. हवामान विभागाने अवकाळीचा इशारा दिला असला तरी, उन्हाचे चटकेही जाणवणार आहेत. शनिवारपर्यंत ऊन-पावसाचा खेळ सुरू राहणार आहे.