सुजात आंबेडकर म्हणाले, लोकशाही वाचविण्यासाठी वंचितला सहकार्य करा | Sakal
sakal

बोलून बातमी शोधा

वानाडोंगरी : सभेला संबोधित करताना युवानेते सुजात आंबेडकर व उपस्थित प्रेक्षक.

सुजात आंबेडकर म्हणाले, लोकशाही वाचविण्यासाठी वंचितला सहकार्य करा

वानाडोंगरी (जि. नागपूर) :  देशाचा विकास दर प्रथमच पाच टक्‍क्‍यांवर आला आहे. आर्थिक, राजकीय व सांस्कृतिक क्षेत्रातील व्यक्तींमध्ये दहशतीचे वातावरण पसरलेले आहे. देशाच्या लोकशाहीला धोका निर्माण झाला आहे. लोकशाहीला वाचविण्यासाठी वंचित बहुजन आघाडीला सहकार्य करण्याचे आवाहन युवानेते सुजात आंबेडकर यांनी केले.
भारिप-बहुजन-महासंघ व वंचित बहुजन आघाडी हिंगणा विधानसभेच्या वतीने हिंगणा-रायपूर येथील बौद्ध हक्क परिषद येथे आयोजित सत्ता संपादन निर्धार महामेळाव्यात ते बोलत होते. अध्यक्षस्थानी वंचित-बहुजन-आघाडीचे प्रदेशाध्यक्ष अशोक सोनोने होते. देशाला अनर्थ नव्हे तर सक्षम अर्थमंत्र्यांची गरज आहे. दुसऱ्यांदा भाजप सरकार बहुमताने विजयी झाल्यामुळे देशातील जाती-जमाती-मागासवर्गीय व अल्पसंख्याक समाजामध्ये दहशतीचे वातावरण निर्माण झाले आहे. वंचितांचे शासनच बहुजनांच्या हिताचे रक्षण करणार आहे, असेही सुजात आंबेडकर म्हणाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top