Pankaj Deshmukh : पंकज देशमुख जीव दिला नसून घातपातच; प्रसेनजीत पाटील यांनी केली सीआयडी चौकशीची मागणी

जळगाव जामोद : गेल्या एक महिन्यापूर्वी तीन मे रोजी शहरातील भाजपा कार्यकर्ते आणि शासकीय कंत्राटदार पंकज देशमुख यांचा मृत्यू ही पोलिसांनी आत्महत्या दाखवलेली आहे. .मात्र पंकज देशमुख यांची आत्महत्या झाली त्या स्थळाची परिस्थिती पाहता आणि पंकज देशमुख यांच्या शरीरावरील जखमा, त्याची मोडलेली बोटे आणि त्यांच्या पत्नी सुनीता देशमुख यांनी मुख्यमंत्र्यांसह जिल्हा पोलिस अधीक्षकांकडे केलेली तक्रार यासर्व बाबी पाहता ती आत्महत्या नसून घातपातच आहे..या प्रकरणात सुनीता पंकज देशमुख यांच्या तक्रारीची दखल घेऊन त्या दृष्टीने तपास करावा आणि सीआयडी मार्फत उच्चस्तरीय चौकशी करावी अशी मागणी राष्ट्रवादी काँग्रेस शरदचंद्र पवार पक्षाचे जिल्हा कार्याध्यक्ष तथा बाजार समितीचे सभापती प्रसेनजीत पाटील यांनी केली आहे. .पंकज देशमुख मृत्यू प्रकरणाच्या पार्श्वभूमीवर सुनीता देशमुख यांची सांत्वनपर भेट घेतल्यानंतर स्थानिक बाजार समितीमध्ये आयोजित पत्रकार परिषदेत ते ३ जून रोजी बोलत होते. यावेळी पुढे बोलताना पाटील म्हणाले की, पंकज देशमुख फार हलाखीच्या परिस्थितीतून गेलेला आहे. त्याने वाईट दिवस पण अनुभवले आहेत. .Akot News : अकोट तालुक्यातील बोर्डी व रामापूरमध्ये एकाच दिवशी दोघांनी जीवन संपवले;घटनेचे कारण अस्पष्ट.आज त्याची अक्षय देशमुख या शासकीय कंत्राटदारासोबत भागीदारीमध्ये कोट्यावधी रुपयाची ठेकेदारी आहे. तो एक धाडसी व्यक्ती होता. तो आत्महत्या करू शकत नाही असे माझ्यासह सर्व त्याच्या मित्र परिवाराचे पण म्हणणे आहे. पंकजच्या निधनाने संपूर्ण कुटुंबाचा आधार गेला. त्याचे मागे त्याची पत्नी, लहान मुलगा व मुलगी आहे. संपूर्ण कुटुंब उघड्यावर आले आहे.. पोलिस यंत्रणेवर विश्वास नाहीमृतकाची पत्नी वारंवार मागणी करत आहे की, घातपाताच्या दिशेने तपास करावा तरीही ठाणेदार त्या दिशेने तपास करीत नाही. स्थानिक पोलिस यंत्रणेवर मृतकाच्या पत्नीचा विश्वास नाही. त्यामुळे पोलिसांनी सुनीता देशमुख यांना सहकार्य करावे आणि हा तपास वरिष्ठ पातळीवर सीआयडीकडे सोपवावा यासाठी आपण उच्चस्तरीय अधिकाऱ्यांना भेटणार असून सुनिता देशमुख यांना न्याय मिळेपर्यंत स्वस्थ बसणार नाही असेही त्यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.