आपल्याच शेतात जाण्यासाठी रस्ता नाही; मग काय घेतले विष

आपल्याच शेतात जाण्यासाठी रस्ता नाही; मग काय घेतले विष

चांदूरबाजार (जि. अमरावती) : शेतीच्या रस्त्याचा वाद मिटावा यासाठी प्रशासनाकडे दाखल तक्रारीचा निपटारा न झाल्यामुळे वैफल्यग्रस्त शेतकऱ्याने (farmers news) नायब तहसीलदारांच्या दालनात विष पिऊन आत्महत्या करण्याचा (attempt to suicide) प्रयत्न केला. सचिन रामेश्वर वाटाणे (वय ४०) असे आत्महत्येचा प्रयत्न करणाऱ्या शेतकऱ्याचे नाव आहे. (The-farmer-took-poison-in-the-hall-of-the-Deputy-Tahsildar)

पावसाळ्यात पेरणी तोंडावर आली असताना आजूबाजूच्या इतर शेतकऱ्यांनी शेतात जाण्यायेण्याचा रस्ताच बंद करून टाकला. त्यामुळे सचिन रामेश्वर वाटाणे (रा. चांदूरबाजार) हे काही दिवसांपासून चिंतित होते. बेलोरा बेसखेडा मार्गावर सचिन वाटाणे यांची आई पुष्पा वाटाणे यांच्या नावाने नऊ एकर शेत आहे. त्यांच्याच शेतात त्यांना जाण्यासाठी रस्ता नाही.

आपल्याच शेतात जाण्यासाठी रस्ता नाही; मग काय घेतले विष
उपद्रव शोधपथकाने काढली ‘वरात’! ५० हजारांचा दंड वसूल

त्यांनी काही दिवसांपूर्वी तहसील कार्यालयामध्ये तक्रार अर्ज सादर केला होता. त्यांच्या तक्रारीवरून नायब तहसीलदार देवेंद्र सवई यांच्या कक्षामध्ये मंगळवारी (ता. २९) सुनावणी होणार होती. परंतु, त्यापूर्वीच सचिन वाटाणे हे नायब तहसीलदार सवई यांच्या दालनात पोहोचले. त्यांच्यासोबत चर्चा केली. परंतु, त्यांचे समाधान झाले नाही. त्यामुळे त्यांनी सोबत बॉटलमध्ये आणलेले विष नायब तहसीलदार यांच्या दालनात असताना प्राशन करून आत्महत्या करण्याचा प्रयत्न केला. संबंधितांनी घटनेची माहिती चांदूरबाजार पोलिसांना दिली. पोलिसांनी सचिन वाटाणे यांना उपचारासाठी चांदूरबाजारच्या ग्रामीण रुग्णालयात दाखल केले.

सचिन वाटाणे यांच्या अर्जावर मंगळवारी सुनावणी होणार होती. त्यांनी मंगळवारी येणे अपेक्षित होते. शेतात जाण्यासाठी तात्पुरता रस्ता मोकळा करण्याची सहमतीसुद्धा झाली होती. तसे पत्र त्यांना सुनावणीच्या दिवशी मिळणार होते. परंतु, त्यांनी अचानक असे का केले? याबाबत समजू शकले नाही.
- देवेंद्र सवई, नायब तहसीलदार, चांदूरबाजार

(The-farmer-took-poison-in-the-hall-of-the-Deputy-Tahsildar)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com