अमरावती : कौटुंबिक कलहातून पतीने पत्नीच्या चेहऱ्यावर ॲसिड फेकल्याची घटना शहरात घडली असून यामध्ये सदर महिला गंभीररीत्या भाजली. तिच्यावर जिल्हा सामान्य रुग्णालयात उपचार सुरू आहेत. .गुरुवारी (ता. ५ ) रात्री ९.३० ते ११ वाजता दरम्यान खोलापुरी गेट ठाण्याच्या हद्दीतील म्हाडा कॉलनी परिसरातील एका अपार्टमेंटमध्ये ही घटना घडली. या प्रकरणी पतीविरुद्ध गुन्हा दाखल करून त्याला अटक करण्यात आली आहे..स्वाती शुभम आंधळे असे गंभीररीत्या भाजलेल्या पत्नीचे तर शुभम भास्करराव आंधळे असे पतीचे नाव आहे. शुभम हा पत्नी स्वाती यांच्यासह म्हाडा कॉलनी परिसरातील एका अपार्टमेंटमध्ये राहतो. दोघेही एकमेकांवर संशय घेत असल्याने त्यांच्यात नेहमी खटके उडत होते. .गुरुवारी रात्री ९.३० वाजताच्या सुमारास शुभमने पत्नी स्वाती यांना साडेतीन हजार रुपये मागितले. परंतु, स्वातीने पैसे देण्यास नकार दिला. या कारणावरून शुभमने स्वातीसोबत वाद घालून तिचा मोबाईल फोडला. त्यावर स्वातीने रागाच्या भरात पती शुभम याच्या दुचाकीचा हेडलाईट फोडला. .वाद विकोपाला गेल्यावर शुभमने घरातील बाथरूममधील ॲसिड आणून पत्नी स्वातीच्या चेहऱ्यावर फेकले. त्यात स्वाती गंभीररीत्या भाजली. तिने मदतीसाठी आरडाओरड केली. आवाज ऐकून शेजाऱ्यांनी तेथे धाव घेतली. .शेजाऱ्यांनी घटनेची माहिती खोलापुरी गेट पोलिसांना दिली. पोलिसांनी तातडीने घटनास्थळ गाठून गंभीररीत्या भाजलेल्या स्वाती यांना जिल्हा सामान्य रुग्णालयात दाखल केले. या घटनेत स्वाती या १३ टक्के भाजल्या असून त्यांच्यावर उपचार सुरू आहेत. या प्रकरणी पोलिसांनी शुभमला अटक केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
