अमरावती : सध्या कंगना प्रकरण चांगलेच गाजते आहे. सत्तापक्ष नेते आणि कंगना यांच्यात दररोज कलगीतुरा रंगतो आहे. केंद्र सरकारने कंगनाला वाय सुरक्षा दिली आणि हे युद्ध कंगना विरुद्ध शिवसेना असे न उरता केंद्र विरुद्ध राज्य असे झाले. त्यातच शिवसेनेची सत्ता असलेल्या बीएमसीने कंगनाच्या मुंबईतील पाली हिल येथील घर-कार्यालयावर कारवाई केली आणि सगळ्यांची सहानुभुती कंगनाला मिळाली.
चित्रपट अभिनेत्री कंगनाच्या कार्यालयावर आज मुंबई महापालिकेने कारवाई केल्याने अमरावतीच्या खासदार नवनीत राणा संतापल्या असून, सत्तेच्या मोहात सरकार ताकदीचा दुरुपयोग करीत असल्याची टीका त्यांनी केली आहे. मुंबई महापालिका शिवसेनेच्या ताब्यात आहे व ही हुकूमशाही चांगली नाही, असे नवनीत राणा यांनी ट्विट केले आहे.
अभिनेत्री कंगना रनौतला मुंबई महापालिकेने नोटीस बजावली होती.
पाली हिल येथील कार्यालयात कंगनाने नियमबाह्य बांधकाम केल्याप्रकरणी तिला नोटीस बजावण्यात आली होती.
अभिनेता सुशांतसिंग राजपूत यांच्या आत्महत्येप्रकरणी कंगनाने सातत्याने शिवसेना व पक्षाच्या नेत्यांवर टीका केली होती. तिची टीका जिव्हारी लागल्याने शिवसेनेचे नेते चांगलेच संतापले होते. त्यातूनच कंगनाला नोटीस देण्यात आली व आजच तिच्या कार्यालयावर कारवाईसुद्धा करण्यात आल्याचे बोलले जाते.
संपादन - स्वाती हुद्दार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
