घरासमोर कपडे धुणाऱ्या तरुणीवर रानडुक्करानं केला हल्ला

जेवनाळा : राहत्या घरी कपडे धुताना बेभानपणे तरुणीवर रानडुकराने हल्ला केला. यात तिच्या डाव्या पायाला जबर जखम झाली. पाय मांडी च्या बाजूने चिरला गेला. ही घटना पालांदूर येथे मंगळवार ला सकाळी ११ वाजेच्या सुमारास घडली. रोहिणी चंद्रशेखर बारापात्रे (२२) राहणार पालांदूर तालुका लाखनी असे जखमी तरुणीचे नाव आहे.नित्यनेमाने रोहिनी आपल्या घराच्या मोकळ्या जागेत कपडे धूत होती. खालच्या मानेने कपडे धूत असताना रानटी डुक्कराने अचानक पणे रोहिणी वर हल्ला चढविला. क्षणात रोहिनी बाजूला फेकली गेली.(While washing clothes at the residence, the girl was unexpected attacked by a Wild boar)

रानटी डुक्कराने तिच्या मांडीला चिरत नेत जखमी केले. तत्काळ आरडाओरड झाली. शेजार पाजार जमा झाले.शेजाऱ्यांनी मोठ आवाज केल्यामुळे डुक्कर घटनास्थळावरून पसार झाला. रोहिणीचा पाय रक्तबंबाळ झाल्याने चिंता वाढली. तिला तत्काळ ग्रामीण रुग्णालय पालांदूर येथे उपचारार्थ दाखल करण्यात आले. घटनेची माहिती वनविभागाला पुरविण्यात आली. वनक्षेत्र अधिकारी घनश्याम ठोंबरे यांच्या निर्देशानुसार क्षेत्र सहाय्यक शेख, बिटर रक्षक नितीन पारधी यांनी घटनास्थळाला भेट दिली. ग्रामीण रुग्णालयात जखमी ची भेट घेत पंचनामा केला. जखमी रोहीनीवर ग्रामीण रुग्णालय पालांदूर येथे उपचार सुरू आहेत.(injured Rohini is undergoing treatment at Palandur Rural Hospital)