Yavatmal News: यवतमाळ जिल्ह्यातील गोपवाडी गावातील चार ऊसतोड मजुरांचा कर्नाटकातील बागलकोट येथे ट्रॅक्टर अपघातात दुर्दैवी मृत्यू झाला. सर्व मृतक एकमेकांचे नातेवाईक असून गावावर शोककळा पसरली आहे.
पुसद (जि. यवतमाळ) : तालुक्यातील गोपवाडी गावावर काळाने घाला घातला आहे. पोटाची खळगी भरण्यासाठी कर्नाटकात ऊसतोड मजुरीसाठी गेलेल्या चार कामगारांचा ट्रॅक्टर अपघातात दुर्दैवी मृत्यू झाला आहे.
