Suicide Attempt : मेडिकलच्या विद्यार्थीनीचा आत्महत्येचा प्रयत्न

यवतमाळ - येथील शासकीय वैद्यकीय महाविद्यालयात एमबीबीएस अभ्यासक्रमाच्या विद्यार्थीनीने गळफास घेऊन आत्महत्या करण्याचा प्रयत्न केला. ही घटना गुरुवारी (ता. १२) सायंकाळ दरम्यान शासकीय महाविद्यालयाच्या वसतिगृहात घडली.

ती एमबीबीएस अभ्यासक्रमाच्या तृतीय वर्षाची विद्यार्थीनी आहे. मात्र, यापूर्वी परीक्षेत नापास झाली होती. त्यामुळे द्वितीय वर्षाचे पेपर देण्याची वेळ तिच्यावर आली. याच तणावातून वसतिगृहाच्या रूम मध्ये गळफास घेऊन आत्महत्या करण्याचा प्रयत्न केला.

हा प्रकार लक्षात येताच विद्यार्थ्यांनी धाव घेऊन तिला उपचारासाठी रुग्णालयात दाखल केले. सध्या तिची प्रकृती धोक्याबाहेर असल्याचे सांगण्यात येत आहे.

यापूर्वी देखील कल्यानीने गोळ्या घेऊन आत्महत्या करण्याचा प्रयत्न केला होता. हा तिचा तिसरा प्रयत्न होता, असे सांगितले जाते.18 जानेवारी पासून परीक्षेला सुरुवात होत आहे. या तणावातून तिने आत्महत्या करण्याचा प्रयत्न केला. हा प्रकार उघडकीस आल्यानंतर खळबळ उडाली आहे. वृत्तलिहिस्तोवर गुन्हा नोंद झाला नव्हता.