Yavatmal Crime News: पूर्व वैमनस्यातून वाढदिवसापूर्वीच तरुणाचा खून

यवतमाळ - पूर्व वैमनस्यातून वाढदिवसापूर्वीच तरुणाचा खून करण्यात आला. ही घटना सोमवारी(ता.१६) रात्री साडेआठ वाजता दरम्यान कळंब येथील इंदिरा चौकात घडली. त्यामुळे एकच खळबळ उडाली आहे. यवतमाळ जिल्ह्यात सलग खुनाची मालिका सुरू असल्याने चिंता व्यक्त होत आहे.

अश्विन राऊत (वय २३,रा. हलबीपुरा, कळंब)असे मृताचे नाव आहे. तरुण कळंब येथील इंदिरा चौकात उभा असताना दोन दुचाकीवरून चार अनोळखी व्यक्ती तेथे आले. त्यांनी तरुणाच्या डोक्यावर हातोडीने हल्ला केला. त्यानंतर चाकूने पोटात सपासप वार केले.

त्यामुळे तरुण रक्ताच्या थारोळ्यात कोसळला. चारही जण दुचाकी सोडून फरार झाले. तरुणाला ग्रामीण रुग्णालयात उपचारासाठी दाखल करण्यात केले असता डॉक्टरांनी मृत घोषित केले.

घटनेची माहिती मिळताच एसडीपीओ संपत भोसले, ठाणेदार अजित राठोड यांनी घटनास्थळी धाव घेतली. वृत्तलीहेस्तो वर गुन्हा नोंद झाला नव्हता.

अश्विनचा मंगळवारी(ता.१७) वाढदिवस होता. मात्र त्यापूर्वीच त्याचा गेम करण्यात आला. मारेकरी कोण आहेत, हे कळू शकले नाही.