Ajit Pawar News: ‘पाट्या टाकू नका...’, Pune जिल्हा नियोजन समितीच्या बैठकीत काय घडलं? | PCMC

उपमुख्यमंत्री आणि पुण्याचे पालकमंत्री अजित पवार यांच्या अध्यक्षतेखाली पुणे जिल्हा नियोजन समितीची बैठक पार पडली. या बैठकीला मंत्री चंद्रकांत पाटील, मंत्री दत्तात्रय भरणे, राज्यमंत्री माधुरी मिसाळ, खासदार श्रीरंग बारणे, आमदार सुनील शेळके, दिलीप वळसे पाटील, राहुल कुल, विजय बापू शिवतारे, माऊली कटके यांच्यासह पुणे महापालिका, पिंपरी-चिंचवड महापालिका (PCMC) आणि पुणे ग्रामीण विभागाचे वरिष्ठ अधिकारी उपस्थित होते. पूर्वनियोजित कार्यक्रमामुळे खासदार सुप्रिया सुळे या बैठकीस अनुपस्थित होत्या. या बैठकीदरम्यान अजित पवार यांनी स्पष्ट शब्दांत अधिकाऱ्यांना आणि आमदारांना कामाच्या दर्जाबाबत तंबी दिली. ते म्हणाले, "पुणे जिल्ह्यात अनेक कामं सुरू आहेत, विविध प्रकल्प राबवले जात आहेत. मात्र, केवळ पाट्या लावून कामे पूर्ण झाल्याचा देखावा न करता दर्जेदार कामे व्हावीत, याकडे लक्ष द्या." पुढे बोलताना त्यांनी सांगितले की, कामांच्या दर्जाची पाहणी करण्यासाठी लवकरच एक स्वतंत्र एजन्सी नियुक्त केली जाणार आहे. ही एजन्सी जिल्ह्यातील प्रत्येक प्रकल्पाची तपासणी करणार असून, गुणवत्तेच्या बाबतीत कोणतीही तडजोड खपवून घेतली जाणार नाही, असा कडक इशारा पवारांनी दिला.