“मी पैलवान आहे, कोणाला घाबरत नाही, समोरच्याला अंगावर घ्यायची मला सवय आहे” अशा ठाम शब्दांत भाजप आमदार महेश लांडगेंनी नाव न घेता उपमुख्यमंत्री अजित पवारांना अप्रत्यक्ष टोला लगावला आहे. या विधानामागे कारण आहे, पिंपरी चिंचवड महानगरपालिका. राष्ट्रवादी काँग्रेसचा एकेकाळचा बालेकिल्ला असलेली ही महापालिका पुन्हा हस्तगत करण्यासाठी अजित पवारांनी आक्रमक रणनीती आखली असून, सध्या ते याच निवडणुकीवर सर्वाधिक लक्ष केंद्रित करत आहेत. मात्र पवारांच्या या प्रयत्नांना सर्वात मोठं आव्हान ठरत आहे ते म्हणजे त्यांचा सत्तासहभागी मित्रपक्ष भाजप. विशेषतः महेश लांडगे यांच्यासारखे स्थानिक प्रभावी नेते राष्ट्रवादीच्या वाटचालीत अडथळा ठरत आहेत. त्यामुळे पिंपरी चिंचवडमध्ये राष्ट्रवादी आणि भाजप यांच्यात वरवर शांत वाटणाऱ्या संबंधांमागे मोठा कलह सुरू झाल्याचं चित्र आहे. पिंपरी चिंचवडच्या महानगरपालिका निवडणुकीपूर्वीच सुरू झालेलं हे राजकीय कुरघोड्यांचं युद्ध कशा टप्प्यावर पोहोचतं, हे पाहणं महत्त्वाचं ठरणार आहे. या संघर्षाचे तपशील आणि राजकीय डावपेच जाणून घ्या या व्हिडीओच्या माध्यमातून..
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.