Shubhangi Shinde Case: ४ लाखांचा हुंडा दिला तरी..., सासरच्या छळाने घेतला आणखी एक जीव

पुण्यातील वैष्णवी हगवणे प्रकरणानंतर आता बीड जिल्हाही हादरला आहे. गीता गावातील शुभांगी शिंदे हिने सासरच्या छळाला कंटाळून टोकाचा निर्णय घेतला आहे. याआधी चार लाख रुपये दिले असतानाही सासरकडून अजून दोन लाख रुपयांची मागणी केली जात होती. या मागणीमुळे आणि सततच्या छळामुळे शुभांगीचा मानसिक त्रास वाढला अन् तिने आत्महत्या केली. अखेर तिचा मृतदेह रूग्णालयात आणण्यात आला. मात्र, या प्रकरणात जोपर्यंत गुन्हा दाखल होत नाही, तोपर्यंत मृतदेह ताब्यात घेणार नसल्याचा नातेवाईकांची भूमिका घेतली आहे. या घटनेनंतर संपूर्ण बीड जिल्हा हादरून गेला आहे.