२५ वर्षांपासून पाण्यासाठी तहानलेले तुळशी गाव; गावकऱ्यांनी विकायलाच काढलं ...

Maharashtra Water Crisis: सोलापूर जिल्ह्यातील माढा तालुक्यातील तुळशी गावात पाणीटंचाईचा प्रश्न अत्यंत भीषण बनला असून, प्रशासनाच्या उदासीन कारभाराविरोधात ग्रामस्थांनी अनोखे व आक्रमक आंदोलन छेडले आहे. गावाच्या वेशीवर आणि मुख्य चौकात ‘तुळशी गाव विकणे आहे’ असा फलक लावून ग्रामस्थांनी सरकारी यंत्रणेच्या दाव्यांची पोलखोल केली आहे. गेल्या २५ वर्षांपासून सातत्याने तीव्र पाणीटंचाईचा सामना करणाऱ्या तुळशी गावातील नागरिकांना पिण्याच्या पाण्यासाठी मैलोन्मैल भटकंती करावी लागत आहे.