अंबाबाईच्या घागरा-चोली रुपातील पुजेमुळे शिवसेनेचे आंदोलन

shiv sena agitaiton mahalaxmi temple kolhapur
shiv sena agitaiton mahalaxmi temple kolhapur

कोल्हापूर - साडेतीन शक्तिपीठांपैकी एक असणाऱ्या अंबाबाई मंदिरात नित्य पूजेनिमित्त अंबाबाईची घागरा-चोली रूपात पूजा बांधण्यात आली होती. या पूजेचा वाद आता आणखीन पेटला असून, समस्थ हिंदुत्त्ववादी संघटना आणि शिवसेनेने आज (रविवार) आंदोलन केले.

शिवसेना व इतर पक्षाच्या कार्यकर्त्यांनी जुना राजवाडा पोलीस ठाण्यासमोर ठिय्या मांडत आंदोलन केले. या वेळी पूजा बांधणाऱ्या पूजकांच्या विरोधात जोरदार घोषणाबाजी करण्यात आली. नगरसेवक अजित ठाणेकर आणि त्यांचे वडील वसंतराव ठाणेकर यांच्यावर गुन्हा दाखल करण्याची मागणी करण्यात आली. तसेच त्वरित कारवाई करण्याची मागणी देखील आंदोलकांनी केली.

या आंदोलनावरून तणाव निर्माण झाला होता. आंदोलनात शिवसेनेचे संजय पवार, दुर्गेश निग्रज, देवस्थान समितीचे सदस्य शिवाजीराव जाधव, वैशाली महाडिक आदी सदस्य सहभागी झाले होते. अंबाबाईची घागरा-चोली रुपात पूजा बांधण्यात आल्याने हा वाद निर्माण झाला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com