अहिल्यानगर : राज्यातील १०८ रुग्णवाहिका वाहनचालक गेल्या अनेक वर्षांपासून महत्त्वपूर्ण सेवा देत आहेत. त्यांच्या समस्यांबाबत १३ मे २०२५ रोजी आझाद मैदानमध्ये आंदोलन करून निवेदन देण्यात आले. त्यावेळी मागण्यांबाबत शासनाने व बीव्हीजी कंपनीने सकारात्मक भूमिका घेऊन न्याय देण्याचे आश्वासन दिले होते. मात्र, अद्याप याबाबत कोणतीही कारवाई झाली नाही. त्यामुळे चालकांनी काम बंद ठेवत जिल्हाधिकारी कार्यालयासमोर धरणे आंदोलन दिले आहे.