Devgaon Shani transforms into a spiritual hub as lakhs gather for the Gagangiri Maharaj week-long festival.Sakal
अहिल्यानगर
Ahilyanagar News: अडीचशे एकरांवर फुलणार भक्तीचा महाउत्सव! देवगाव शनीत गंगागिरी महाराजांचा सप्ताह; लाखो भाविक, १५ हजार स्वयंसेवक
सप्ताहाच्या प्रारंभी सकाळी महंत सद्‍गुरु श्री रामगिरी महाराज यांच्या उपस्थितीत ग्रंथराज ज्ञानेश्वरी व हरिपाठ दिंड्यांची मिरवणूक निघणार आहे. टाळ-मृदंगाच्या गजरात भगव्या पताकांखालील ही मिरवणूक म्हणजे संपूर्ण सप्तक्रोशीला भाविकत्वाच्या एका धाग्यात गुंफणारा सोहळा ठरणार आहे.
-महेश माळवे
श्रीरामपूर: देवगाव शनीच्या (ता. वैजापूर, जि. छत्रपती संभाजीनगर) अडीचशे एकरांवर गोदातीरी बुधवारपासून (ता. ३०) भक्तीचा महासागर उसळणार आहे. योगीराज गंगागिरी महाराजांचा १७८ वा अखंड हरिनाम सप्ताह, संत ज्ञानेश्वर महाराजांचा ७५० वा जन्मोत्सव आणि संत तुकाराम महाराजांच्या ३७५ व्या सहदेह वैकुंठगमनाचा महोत्सव या तीन संतप्रेरित घटनांचा एकत्र योग साधला गेल्याने यंदाचा सप्ताह हा ‘त्रिसंत सुवर्णयोग’ ठरणार आहे.