Ahmednagar Crime: मोठ्याने ओरडू नका म्हटल्यावर बापाचा चढला पारा, धारधार शस्त्राने केला मुलाचा खून

Ahmednagar Sonai Father Killed Son : घरात मोठ्याने ओरडू नका म्हटल्याचा राग येऊन वडिलाने मुलावर चाकूने वार केले. या हल्ल्यात मुलगा ठार झाला आहे. सोनई पोलीसांनी आरोपीस काही तासात ताब्यात घेऊन अटक केली आहे.

कौटुंबिक चर्चा सुरु असताना भिमराज किसन पुंड शिवीगाळ करीत होते. मुलगा रविंद्र पुंड यांनी मोठ्याने ओरडू नका, असे म्हणताच त्याच्या पोटात व छातीवर चाकूने वार केले. रविंद्र जागीच रक्ताच्या थारोळ्यात पडला.

याबाबत ज्योती पुंड हिच्या फिर्यादीवरून आरोपी भिमराज पुंड यास अटक करण्यात आली. सहायक पोलीस निरीक्षक अशिष शेळके व पथकाने घटनास्थळी भेट देऊन पंचनामा केला.

आरोपीस नेवासे न्यायालयासमोर ऊभे केले असता न्यायमूर्तीनी तीन दिवसाची पोलीस कोठडी सुनावली आहे. फौजदार सुरज मेढे अधिक तपास करीत आहेत. (Latest Marathi News)