Ahmednagar Crime: भंगार विक्रीचा वाद मिटवण्यासाठी गेलेल्या महिलेला मारहाण, ६ जणांविरुद्ध गुन्हा दाखल

Ahmednagar Woman Beaten: भंगार विक्रीच्या कारणावरुन झालेला वाद सोडविण्यासाठी गेलेल्या महिलेला मारहाण झाल्याची घटना मल्हार चौकात (ता.३०) मंगळवारी घडली. याबाबत जखमी अंजना अशोक गिरी (वय ४५, रा.मल्हार चौक, रेल्वे स्टेशन, अहमदनगर) यांनी दिलेल्या फिर्यादीवरुन सहा जणांविरोधात गुन्हा दाखल झाला आहे.

अनिल अडांगळे, गोट्या अनिल अडांगळे, अनिल अडांगळे याची पत्नी, मयूर (पूर्ण नाव माहिती नाही), मयूरची पत्नी व एक अनोळखी महिला (सर्व रा.काटवन खंडोबा, अहमदनगर) अशी आरोपींची नावे आहेत. फिर्यादी यांच्या मुलीच्या दुकानासमोर भंगार विक्रीवरुन वाद सुरु असल्याने फिर्यादी भांडण मिटविण्यासाठी गेल्या होत्या. त्याठिकाणी सहा जणांनी लाथाबुक्क्यांनी मारहाण केली. (Latest Marathi News)