पारनेर : प्रामाणिक व कामसू अधिकारी म्हणून आपले नाव मी ऐकलेले आहे. आपण जिल्ह्यात प्रामाणिक व चांगले काम करावे, अशी अपेक्षा ज्येष्ठ समाजसेवक अण्णा हजारे यांनी आज (ता. ३०) जिल्हा पोलीस अधीक्षक राकेश ओला यांच्यासमोर व्यक्त केली.
पोलीस अधीक्षक राकेश ओला आज हजारे यांच्या भेटीला राळेगणसिद्धी येथे आले होते. त्यावेळी ते बोलत होते. आज दुपारी एकच्या सुमारास ओला हजारे यांच्या भेटीला राळेगणसिद्धी येथे आले होते. त्यांनी नुकताच जिल्ह्याच्या पोलीस अधीक्षक पदाची सुत्रे स्वीकारली आहेत. पदभार स्वीकारल्यानंतर ते हजारे यांच्या भटीला आले होते. यावेळी त्यांनी हजारे यांच्या प्रकृतीची चौकशी केली. राळेगणसिद्धी येथील विविध विकास व पाणलोटाच्या कामांचीही ओला यांनी माहिती घेतली. तसेच यावेळी दोघांमध्ये हजारे यांनी केलेल्या विविध आंदोलनाविषयी चर्चाही झाली.
ओला हे राजस्थानमधील आहेत. तेथे पावसाची कमतरता असते. त्यामुळे यावेळी ओला म्हणाले, की आपण केलेल्या पाणलोटाच्या कामाची माहिती मी घेतली आहे. जुण्या आठवणींना यावेळी त्यांनी उजाळा दिला.
या भेटीच्यावेळी सरपंच लाभेष औटी, उद्योजक सुरेश पठारे, उपआयुक्त (जीएसटी नाशिक) गणेश पोटे, शाम पठाडे, अन्सार शेख आदींसह पोलीस उपअधीक्षक अजीत पाटील, पोलीस निरीक्षक घनश्याम बळप उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.