श्रीरामपूर : पोलिस यंत्रणांकडून हिंदू संघटनांविरोधी काम सुरू आहे. मात्र, आता राज्यात हिंदुत्ववादी सरकार सत्तेत आहे. एकनाथ शिंदे मुख्यमंत्री, तर देवेंद्र फडणवीस उपमुख्यमंत्री व गृहमंत्री आहेत. त्यामुळे हे मनमानीचे प्रकार खपवून घेणार नाही, असा इशारा आमदार नीतेश राणे यांनी दिला.
भोकर येथील अपहरण झालेले दीपक रावसाहेब बर्डे यांचा अनेक दिवस उलटूनही, शोध लावण्यात पोलिसांना अपयश आले. तसेच, श्रीरामपुरात अल्पवयीन मुलींवर होत असलेल्या अत्याचाराच्या घटनांतील आरोपींवर कारवाई करण्यात यावी, या मागणीसाठी आमदार राणे व माजी आदिवासी विकास मंत्री अशोक उईके यांच्या नेतृत्वाखाली जनआक्रोश मोर्चा काढण्यात आला. त्यात ते बोलत होते.
पोलिसांच्या तपासावर प्रश्नचिन्ह उपस्थित करत राणेंनी, बर्डे प्रकरणाची एसआयटीमार्फत चौकशी केली जावी, तसेच मुलींवर अत्याचार करणाऱ्या गुन्हेगारांना पाठीशी घालणाऱ्या पोलिसांवर कारवाई व्हावी, अशी मागणी केली. दीपक याने पोलिसांत येऊन, आपल्या जिवाला धोका असल्याचे सांगितले होते. त्याची वेळीच दखल घेतली असती, तर ही वेळ आली नसती. त्यामुळे संबंधित अधिकाऱ्यांनी आरोपींना मदत केली, असा संशय असून, त्यांची वरिष्ठ पातळीवरून चौकशी करण्याची मागणी गृहमंत्री तथा उपमुख्यमंत्री फडणवीस व मुख्यमंत्री शिंदे यांच्याकडे करणार असल्याचे त्यांनी सांगितले. यावेळी राणे, उईके व विविध संघटनांच्या वतीने पोलिसांना निवेदन देण्यात आले.
अपहरणाचे सत्य समोर आणू
दीपक बर्डे यांच्या अपहरण प्रकरणाची पोलिस कसून तपासणी करत आहेत. याप्रकरणी काही आरोपी ताब्यातही घेण्यात आले आहेत. त्यांच्याकडे चौकशी करण्यात येत आहे. लवकरच या प्रकरणाचे सत्य समोर आणू, अशी माहिती अतिरिक्त पोलिस अधीक्षक स्वाती भोर व उपअधीक्षक संदीप मिटके यांनी यावेळी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
