Disabled Student Sarthak Nehe Achieves NEET AIR 1452 Earns MBBS Opportunity Through Courage and Determination
sakal
-राजू नरवडे
संगमनेर: जन्मत:च दिव्यांगत्व...चालण्यासाठी दुसऱ्याचा आधार... बालपणापासून रुग्णालयांच्या फेऱ्या...अनेक शस्त्रक्रिया, असह्य वेदना आणि त्यातूनही न डगमगणारी जिद्द. या सर्व संकटांवर मात करत सावरगाव तळ (ता. संगमनेर) येथील सार्थक नवनाथ नेहे (वय १९) याने कर्तृत्वाची उज्ज्वल छाप उमटवली. राष्ट्रीय पात्रता व प्रवेश परीक्षा (नीट) मध्ये दिव्यांग प्रवर्गातून देशात १४५२ वा क्रमांक मिळवत त्याने एमबीबीएस अभ्यासक्रमासाठी पात्रता मिळवली. आता, तो डॉक्टर बनून समाजसेवा करण्याचे त्याचे स्वप्न साकार होण्याच्या दिशेने पाऊल पडले.
