सावधान ! लग्नासाठी नवा नियम; पाळला नाहीत तर होणार कारवाई

Collector Rajendra Bhosale has said If the new rules for marriage are not followed, action will be taken
Collector Rajendra Bhosale has said If the new rules for marriage are not followed, action will be taken

अहमदनगर : कोरोनाची साथ पूर्णपणे नियंत्रणात आलेली नाही. कोरोनाचा जिल्ह्यातील प्रसार वाढत आहे. लग्नसमारंभ आणि सार्वजनिक कार्यक्रमात लोकसंख्येच्या मर्यादेचे उल्लंघन होत आहे. प्रशासनाच्या मर्यादेपेक्षा जास्त गर्दी झाल्यास आता संबंधित मंगल कार्यालय, आयोजकांवर कारवाई करण्याचा आदेश जिल्हाधिकारी डॉ. राजेंद्र भोसले यांनी दिला आहे.

जिल्ह्यात कोरोनाचा प्रादुर्भाव वाढताना दिसत आहे. टाळेबंदी शिथिल केल्यापासून लग्नसमारंभ, सार्वजनिक कार्यक्रमांमध्ये मोठ्या प्रमाणात गर्दी होत आहे. लग्नासाठी फक्त 50 लोकांनाच परवानगी आहे. मात्र, त्यापेक्षा कितीतरी पटीने नागरिक एकत्र येत आहेत. त्यामुळे कोरोनाचा प्रादुर्भाव मोठ्या प्रमाणात वाढण्याचा धोका आहे. कोरोना नियंत्रणासाठी आता जिल्हाधिकाऱ्यांनी प्रतिबंधात्मक उपाययोजना कठोर केल्या आहेत.

लग्नसमारंभात 50 पेक्षा जास्त व्यक्‍ती एकत्र दिसल्यास संबंधित मंगल कार्यालय परिसरातील पोलिस ठाण्यात कार्यालयाच्या मालकांवर गुन्हा दाखल करण्यात येणार आहे. सार्वजनिक कार्यक्रमास गर्दी झाल्यास आयोजकांवर गुन्हा दाखल केला जाईल. जिल्ह्यातील सर्व पोलिस ठाण्यांना कारवाईचा आदेश जिल्हाधिकाऱ्यांनी दिला आहे.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com