जनता दरबार बंद पडल्याने आमदार लंके यांचे बिगीन अगेन

टाकळी ढोकेश्वर ः कोरोना आजाराच्या पार्श्वभूमीवर लाॅकडाऊन असल्याने सगळीकडे सार्वजनिक कार्यक्रमांना बंदी अाहे. आमदार नीलेश लंके यांच्या पारनेर तालुक्यातील जनता दरबारावरही गंडांतर आले. यावर लंके यांनी उपाय काढला आहे. तालुक्यातील देसवडे येथून या उपक्रमास प्रारंभही करण्यात आला.

या उपक्रमाबाबत लंके म्हणाले, कोरोनामुळे जनजीवन मोठ्या प्रमाणावर विस्कळीत झाले अाहे. गावागावातील सर्वाजनिक व वैयक्तिक प्रश्न थेट तालुक्यातील गावागावात जावून सोडविणार आहे. निवडणुकीचा आखाडा जिंकण्यासाठी जी काही आश्वासने दिली आहे, ती टप्पाटप्पाने पुर्ण केली जातील. रात्रंदिवस ९ वर्षात मोठा संघर्ष केला. त्याचे हे फळ आहे.

हेही वाचा - पारनेरला मुंबईतून कोरोना इनकमिंग सुरूच

गावांचे मुल्यमापन मतांनी ठरावात येणार नाही, त्यामुळे गावच्या विकास महत्वाचा आहे. त्यामुळे ज्या गावात विकासाचा कामे झाली नाही, त्याठिकाणी कामे मोठ्या प्रमाणावर केली जाणार आहे. खोलात गेल्यावर मनस्थाप होतो. मी तुमचा जनसेवक आहे त्यामुळे सामाजिक व सार्वजनिक प्रश्नाबरोबर वैयक्तिक प्रश्न सोडवू.
कोरोनाच्या आजारावर मात करत आता थेट गावात जावुन प्रश्न सोडावे लागणार आहेत. सर्वांनी स्वतःची सह इतरांची काळजी घेवुन आपले जीवन व्यतीत करावे लागणार आहे.

आदिवासी भिल्ल समाजासाठी पाण्याची टाकी,देसवडे टेकडवाडी येथे बंधारे,पंतप्रधान ग्रामसडक किंवा मुख्यमंत्री ग्रामसडक योजनेतुन काळेवाडी रस्ता पुर्ण केला जाईल, असे आश्वासन आमदार लंके यांनी दिले. 

या वेळी महिला व बालकल्याण समितीच्या सभापती मीना शेटे, गटविकास अधिकारी किशोर माने,शिवप्रहार संघटनेचे अध्यक्ष संजीव भोर, राजेंद्र चौधरी, सरपंच राहुल झावरे, उद्योजक विजय औटी, प्रतिष्ठानचे अध्यक्ष बापू शिर्के उपस्थित होते.