नगर ः बहुतांश मुंबईच्या कनेक्शनमुळे शहरासह जिल्ह्यात कोरोनाचा फास दिवसेंदिवस आवळताना दिसत आहे. आज सकाळी प्राप्त झालेल्या अहवालानुसार जिल्ह्यात आणखी पाच कोरोना बाधितांची भर पडली. यात संगमनेर चार, शेवगावमधील एका व्यक्तीचा समावेश आहे. त्यामळे जिल्ह्यातील कोरोना बाधितांचा आकडा 217 वर पोचला आहे. आज आणखी 15 जणांना डिस्चार्ज देण्यात आला असून कोरोनामुक्त झालेल्यांची संख्या 136 झाली आहे.
जिल्ह्यातील कोरोना बाधित रुग्ण सापडण्याचा सिलसिला आता थांबण्याचे नाव घेत नसल्याचे दिसून येत आहे. आज सकाळी आलेल्या अहवालानुसार पाच बाधित रुग्ण आढळून आले. मुंबईहून संगमनेर येथे आलेली 40 वर्षांची महिला, संगमनेर येथील खासगी प्रयोगशाळेत तीन जणांचा रिपोर्ट पॉझिटिव्ह आल्याने तिघांना कोरोनाची बाधा झाल्याचे स्पष्ट झाले. याशिवाय मुंबईहून आलेल्या मिरी रोड (शेवगाव) येथे आलेल्या 22 वर्षांच्या महिलेला कोरोनाची बाधा झाली आहे. उर्वरित 13 जणांचे अहवाल निगेटिव्ह आले आहे.
जिल्ह्यातील रुग्णसंख्या 217 वर पोचली आहे. त्यात महापालिका क्षेत्र 47, नगर जिल्हा 111, अन्य राज्य दोन, अन्य देश आठ, अन्य जिल्ह्यातील 49 जणांचा समावेश आहे.
आणखी 15 जण कोरोनामुक्त
जिल्ह्यातील आणखी 15 व्यक्तींनी कोरोनावर मात मिळवली. त्यातील त्यातील 13 व्यक्तींना वैद्यकीय तपासणीनंतर बूथ हॉस्पिटलमधून, तर दोन व्यक्तींना पीएमटी लोणी येथून डिस्चार्ज देण्यात आला. यात संगमनेर सहा, राहाता, कर्जत, अकोले प्रत्येकी दोन, नगर शहर, शेवगाव, पारनेर येथील प्रत्येकी एकाचा समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.