नगरमध्ये कोरोना सुपरफास्ट...आजही निघाले अकरा बाधित

नगर ः कोरोनाचा कहर सुरू आहे. दररोज किमान दहा रूग्ण सापडत आहेत. लॉकडाउन शिथिल झाल्यापासून हा आकडा वाढला आहे. मुंबई आणि पुणे येथून तसेच रेड झोनमधून आलेल्यामुळे जिल्ह्यात बाधा होत आहे. त्यांच्यामुळे कुटुंबियांनाही बाधा होत आहे.

आज आणखी ०५ रुग्णांना मिळाला डिस्चार्ज मिळाला. श्रीरामपूर तालुक्यातील वडाळा महादेव येथील ०१,  संगमनेर येथील एक, मसणे फाटा पारनेर येथील एक आणि नगर तालुक्यातील ०२ अशा एकूण पाच रुग्णांना बूथ हॉस्पिटलमधून डिस्चार्ज देण्यात आला. जिल्ह्यात कोरोनामुक्त झालेल्या रुग्णांची संख्या आता झाली ७८ आहे.

हेही वाचा - जेवण करून उपोषण करणाऱ्या शिंदेंना आमदारकीची शिफारस गरजेची

जिल्ह्यात आणखी ११ नवीन रुग्ण तर ४० व्यक्तींचे अहवाल निगेटिव्ह झाला आहे. कोरोना अहवाल पॉझिटीव्ह आलेल्या रुग्णांची आकडेवारी अशी ः अकोले तालुका ०६, जवळे येथील ४८ आणि २४ वर्षीय महिला आणि २८ वर्षीय पुरुष बाधित आहे.
वाघापूर येथील ३२ आणि ४० वर्षीय महिला आणि ४५ वर्षीय पुरुष बाधित निघाला. सर्व बाधित यापूर्वीच्या बाधित व्यक्तीच्या संपर्कातील आहेत.

संगमनेर तालुका ०२, डिग्रज, मालुंजा येथील २१ आणि ४५ वर्षीय महिला बाधित आहे. यापूर्वीच्या बाधित व्यक्तीच्या संपर्कात आल्यामुळे लागण झाली आहे. श्रीगोंदा ०१, कांडेगाव येथील ७५ वर्षीय महिला बाधित सापडली. लोणी, राहाता ०१, येथील ५६ वर्षीय व्यक्ती बाधित आली. नगर शहर ०१, स्टेशन रोड, अहमदनगर येथील ३३ वर्षीय महिला बाधित आहे.

जिल्ह्यातील एकूण रुग्णसंख्या १६३ झाली आहे. महानगरपालिका क्षेत्रात २६, जिल्ह्यात ८७, इतर राज्यातील ०२, इतर देशातील ०८ व इतर जिल्ह्याती ४० आहेत. जिल्हयातील ऍक्टिव्ह केसेस ७३ (+०२संगमनेर) आहेत.  एकूण स्त्राव तपासणी केलेल्यांची संख्या २६१३ झाली आहे. निगेटीव  २३५१ रिजेक्टेड आले.