कोपरगाव (अहमदनगर) : कोपरगाव ग्रामीण रुग्णालयात सोमवारी तहसीलदार योगेश चंद्रे व आयएमएचे अध्यक्ष डॉ. महेंद्र गोंधळी यांच्या हस्ते कोविड लसीकरणास प्रारंभ झाला. विशेष वैद्यकीय अधिकारी डॉ. वैशाली बडदे या लस घेणाऱ्या पहिल्या मानकरी ठरल्या. तालुक्याला पहिल्या टप्प्यात एक हजार लस प्राप्त झाल्या असून, लवकरच दुसऱ्या टप्प्यातील डोस मिळणार असल्याची माहिती ग्रामीण रुग्णालयाचे वैद्यकीय अधीक्षक डॉ. कृष्णा फुलसुंदर यांनी दिली.
डॉ. चंद्रशेखर आव्हाड, डॉ. गोवर्धन हुसळे, डॉ. राजेश माळी, डॉ. अजय गर्जे, डॉ. आतिष काळे, डॉ. संदीप वैरागर, तालुका वैद्यकीय अधिकारी डॉ. संतोष विधाते, डॉ. जितेंद्र रणदिवे, डॉ. विजय क्षीरसागर आदी उपस्थित होते.
डॉ. फुलसौंदर म्हणाले, की शासन नियमानुसार पहिल्या टप्प्यात तालुक्यातील वैद्यकीय क्षेत्रातील कर्मचारी, नंतर महसूल, पोलिस, नगरपालिका, 50 वर्षांवरील नागरिकांचे लसीकरण केले जाणार आहे. 18 वर्षांखालील, गरोदर महिलांना लस दिली जाणार नाही. प्रथम टप्प्यात लसीकरणाला तालुक्यात चांगला प्रतिसाद मिळत आहे.
ताज्या बातम्यांसाठी डाऊनलोड करा ई-सकाळचे ऍप
शासन नियमानुसार अत्यंत पारदर्शकपणे लसीकरणाला सुरवात केली असून, आधार लिंक असल्याने आधी संबंधितांना मोबाईलद्वारे लसीकरणाचा मेसेज दिला जातो. आधार व्हेरिफिकेशन झाल्यावर लस टोचली जाते. शेवटी संबंधित व्यक्तीला डिजिटल सर्टिफिकेट दिले जाते, असे डॉ. फुलसौंदर यांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.