सोनई : सलग दोन सुट्या जोडून आल्याने शनिशिंगणापूर येथे तीन लाख भाविकांनी भेट देऊन दर्शनाचा लाभ घेतला. वाहनांच्या प्रचंड गर्दीने मुळा गट, सोनई, वंजारवाडी, ब्राम्हणी, उंबरे व प्रिंप्री अवघड गावाला तसेच भाविकांना वाहतूक कोंडीचा मोठा त्रास सहन करावा लागला. वाढलेल्या गर्दीने रस्त्यावर व गावात लटकूंनी पुन्हा वर तोंड काढल्याने वाहन अडवून सक्ती व दमदाटीचे प्रकार अधिक झाले.