नगर ः नाद करायचा नाय, अशा आशयाचं गाणं आहे तरी लोकं वेगवेगळ्या प्रकारच्या नादाला लागतात. जिल्हा परिषदेच्या अशाच एका अधिकाऱ्याने नाद केला पण तो त्यांच्या अंगलट आला.
त्याचे झाले असे ः नगर जिल्ह्याच्या दक्षिणेतील एका तालुक्यात ते दौऱ्याला गेले. तेथे त्यांनी थेट बारी गाठली. तेथे त्यांनी ताल धरला त्यामुळे सोबतचेही बेताल झाले. रात्रीचा हा कुटाणा सकाळी सगळीकडे व्हायरल झाला.
जिल्हा परिषदेतील एका विभागात प्रभारी म्हणून कामकाज करीत असलेले अधिकारी नुकतेच एका तालुक्याच्या दौऱ्यावर गेले होते. त्यांच्याबरोबर कार्यालयातील काही जण सोबत होते. कामकाज आटोपल्यानंतर ते नगरकडे परत येत असताना, त्यांना "छमछम' पाहण्याचा मोह आवरता आला नाही. बराच वेळ त्यांची मैफल रंगली. त्यांनी एका गाण्यावर ठेकाही धरला.
ठेका धरलेल्या अवस्थेत त्यांचे मोबाईलवर फोटोसेशन झाले. हे प्रभारी अधिकारी नगरला पोचताच, रात्री ठेका धरलेले त्यांचे फोटो सोशल मीडियावर व्हायरल झाले. त्याची गंभीर दखल घेत, प्रशासनाने त्यांच्याकडील प्रभारी पदभार काढून घेतला.
या अधिकाऱ्यासोबत असणाऱ्यांचीही प्रशासनाकडून चौकशी सुरू झाली आहे. गुप्त पद्धतीने ही चौकशी सुरू आहे.
दरम्यान, दौऱ्यावरून परत येताना संबंधित अधिकाऱ्यांना "छमछम' केंद्रावर कोणी नेले, याचा शोध घेणे गरजेचे आहे.
या पूर्वीही असे प्रकार घडले असण्याची शक्यता आहे. त्यामुळे प्रशासनाने चौकशी समिती नेमून या प्रकाराची चौकशी करावी, अशी मागणी होत आहे.
फोटो काढणारा कोण?
गाण्यावर ठेका धरलेला अधिकारी व कर्मचाऱ्यांचे फोटो काढणारा कोण, याचा शोध ठेका धरणाऱ्यांसह इतर कर्मचारीही घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
